සූරීයවැව නුවන් ජයසේකර –
ඉඩමක් ලියා නොදුන්නාට උරණ වි 93 හැවිරිදි මිත්තණියට පහරදී තුවාල සිදුකිරිම හා රාජකාරියට ගිය පොලිස් නිළධාරීන්ටද බාධා කර සාපරාධී බහත්කාරය පෑම හේතුවෙන් දොස්තර මුණුබුරෙකු තිස්සමහාරාම පොලිසිය මගින් අද (09) පෙරවරුවේ අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ දෙබරවැව මුලික රෝහලේ බාහිර රෝගි අංශයේ කටයුතු කරන තිස්සමහාරාම, දියස්යාය පදිංචි විරිංචිගේ ගයාන් රණසිංහ නැමති 42 හැවිරිදි වෛද්යවරයෙකි.
සැකකාර වෛද්යවරයා ඉඩම් ආරවුලක් මුල්කරගනිමින් පසුගිය 07 වන දින සිය 93 හැවිරිදි මිත්තණියට (දොස්තරගේ මවගේ මවට) පහරදී තුවාල සිදුකර තිබේ.
එහිදි දොස්තර මුණුබුරාගෙන් පහර කෑ මිත්තණිය වු 93 හැවිරිදි දෝන තිමාරා හෙට්ටිආරච්චි නැමති අය විසින් තමන්ට මුහුණ පෑමට සිදු වූ සිද්ධිය පිළිබදව තිස්සමහාරාම පොලිසියට පැමිණිල්ලක් ඉදිරිපත් කර පසුව ප්රථිකාර සදහා දෙබරවැව මුලික රෝහලට ඇතුළත් වි ඇත.
සිද්ධිය සම්බන්ධයෙන් ලද ලැමිණිල්ලට අනුව විමර්ශන කටයුතු සදහා තිස්සමහාරාම පොලිස් කණ්ඩායමක් සැකකාර වෛද්යවරයාගේ නිවසට ගොස් තිබේ. එහිදි අදාල වෛද්ය වරයා පැමිණිල්ල විමර්ශනය කිරිමට ගිය පොලිස් නිළධාරීන්ට පරුෂ වචනයෙන් බැන වැදී රාජකාරියට බාධා කරමින් සාපරාධී බලහත්කාරය පා තිබේ.
පොලිසියට ලද පැමිණිල්ලට අනුව විමර්ශන කටයුතු සදහා ගිය පොලිස් නිළධාරීන්ට දිගින් දිගටම එම කටයුතු සිදු කිරිමට නොදී පරුෂ වචනයෙන් බැන වැද බළහත්කාරය පෑම හා 93 හැවිරිදි මිත්තණියට පහරදිම යන චෝදනා මත සැකකාර වෛද්ය වරයා තිස්සමහාරාම පොලිසිය විසින් අත්අඩංගුවට ගෙන තිබේ.
තංගල්ල කොට්ඨාශබාර ජ්යෙෂ්ඨ පොලිස් අධිකාරී කීර්තිරත්නගේ උපදෙස් පරිදි තිස්සමහාරාම පොලිසිය වැඩිදුර විමර්ශන පවත්වයි.
