ඔස්ට්රියාවේ වියානා හී වෙසෙන ඇෆ්ගනිස්ථාන වැසියන් විසින් තලේබාන් සංවිධානය විසින් ඇෆ්ගිනිස්ථානය අත්පත් කරගැනීමට වසරක් සපරීම නිමිත්තෙන් විරෝධතාවයක් පවත්වා ඇත.
විරෝධතාකරුවන් වියානා හී පිහිටි පාකිස්ථාන තානාපති කාර්යාල ඉදිරිපිට මෙම විරෝධාතාවයක් පවත්වා ඇති අතර එහිදී ඔවුන් විසින් පාකිස්ථානය විසින් ත්රස්ත සංවිධානය වලට සහය දීමට සිය බලවත් විරෝධය පලකර ඇති බවට වාර්තාවේ.
මෙහිදී විරෝධතාකරුවන් විසින් ජාත්යන්තර ප්රජාවගෙන් ඉල්ලා ඇත්තේ පාකිස්ථානය විසින් ත්රස්තකටයුතු වලට සහය ලබාදීම වලක්වාලීමට කඩිනමින් මැදිගත් වන ලෙසයි. එහිදී විරෝධතාකරුවන් පෙන්වා දී ඇත්තේ පාකිස්ථානය විසින් ඇෆ්ගනිස්ථානයේ ක්රියාත්මක ත්රස්ත සංවිධාන වලට අවශ්ය සහයත් ඊට අනුබල දීමත් සෘජුවම සිදුකරන බවයි.
එහෙන්ම විරෝධතා කරුවන් විසින් වැඩිදුරටත් ඉල්ලා සිටියේ ඇෆ්ගනිස්ථානය සඳහා යුරෝපා සංගමය, නේටෝ සහ එක්සත් ජාතීන්ගේ ආරක්ෂක විසින් නව උපාය මර්ගයක් අනුගමනය කරන ලෙසයි.
“ඇෆ්ගනිස්තානයේ යුද්ධය අවසන් කිරීමට සහ පාකිස්තානය ඇෆ්ගනිස්ථානයේ අභ්යන්තර කටයුතුවලට ඇඟිලි ගැසීම නැවැත්වීමට නව උපාය මාර්ගයක් සහ ප්රතිපත්තියක් අනුගමනය කරන ලෙස අපි යුරෝපා සංගමය, නේටෝ සහ එක්සත් ජාතීන්ගේ ආරක්ෂක මණ්ඩලයෙන් ඉල්ලා සිටින්නේ,” යනුවෙන් ඔවුන් ඉල්ලා තිබිණි.
මේ අතර මෙම ඇෆ්ගනිස්ථාන වැසියන් විසින් පසුගිය වසර 40 තුළ ඇෆ්ගනිස්ථානය යුද්ධයක පැටලවීම පිටුපස සහ එහි සෘජු ප්රතිඵලයක් ලෙස එරට කාන්තාවන් ඇතුළු අහිංසක ජනතාව ඉලක්ක කර ගනිමින් මානව හිමිකම් කඩකිරීමේ ක්රියාවන්හි නිරත වූ සියලුම පාකිස්තාන බුද්ධි අංශ සාමාජිකයින් සහ ජ්යෙෂ්ඨ හමුදා නිලධාරීන් අත්අඩංගුවට ගන්නා ලෙස යුරෝපීය පාර්ලිමේන්තුවෙන් ඉල්ලා සිට ඇත.
