බලශක්ති අමාත්ය කාංචන විජේසේකර විසින් අද හෙට එනවා යයි කී පෙට්රල් රැගත් නෞකාව මේ වනවිට ශ්රි ලංකාවට නොපැමිණ ඉන්දියාව ක්රිෂ්ණපට්ටම් වරාය වෙත සෙන්දු වී ඇති බව වාර්තා වේ.
ලංකා ඛනිජ තෙල් නීතිගත සංස්ථාවට අනුව ශ්රි ලංකාවට එනවා යයි සඳහන් කළ පෙට්රල් රැගත් චැම්පියන් පුලා (Champion Pula) නම් වන අතර එය රුසියාවේ ටාමන් වරායේ සිට ශ්රි ලංකාවට දකුණු දෙසින් ගමන් මාර්ගයේ ශ්රි ලංකාව පසු තොට මෙම දකුණු ඉන්දියානු වරායට සේන්දු වී ඇතැයි එම ආරංචි මාර්ග සඳහන් කරයි.
මෙම නෞකාවට අමතරව මෙතෙක් ශ්රි ලංකා මුහුදු ආසන්නයේ ශ්රි ලංකාවට ඉන්ධන ගෙන්වන වෙනත් නෞකාවක් නොපවතින අතර ඛනිජ තෙල් බලධාරීන් අදාළ ආයතන වෙත දන්වා තිබුණේ චැම්පියන් පුලා නම් නෞකාව ශ්රි ලංකාවට අවශ්ය පෙට්රල් මෙට්රික් ටොන් 40000ක් සමඟ සේන්දු වන බවයි.
එම නෞකාව රුසියානු වරායක සිට ඉන්දියාව බලා ගමන් කරමින් සිටියදී මෙලෙස මෙම නෞකාව ශ්රී ලංකාවට ගෙන්වා ගන්නට බලධාරීන් උත්සාහ ගෙන ඇති බව සඳහන් වේ.
කෙසේ වුවද මෙම නෞකාව යම් හේතුවක් නිසා කොළඹට ගෙන්වා ගැනීමට නොහැකි වී ඇති අතර ඊට බලපෑ හේතුව කුමක්දැයි මෙතෙක් අනාවරණය වී නැත.
කෙසේ වුවද මෙම පෙට්රල් නෞකාව මුලින් සැලසුම් කළ ගමනාන්තය වන ක්රිෂ්ණපට්නම් වරාය වෙත ඊයේ (24) රාත්රී 7.00ට සේන්දු වී ඇත.
බලශක්ති අමාත්ය කංචන විජේසේකර ද ඔහු විසින් අද හෙට එන බව කියූ පෙටුල් නෞකාව පුමාද වන බව සිය නිල ටිව්ටර් ගිණුම හරහා ප්රකාශයට පත් කළ අතර ඒ පිළිබඳව සමාව ඉල්ලූ ඔහු යළි පෙට්රල් නැවක් එන දිනය නිශ්චිතවම ප්රකාශ කළ නොහැකි බවද සඳහන් කළේය.
