දිනසේන රතුගමගේ –
කිළිනොච්චි පරන්තන් ප්රදේශයේ වයස අවුරුදු විස්සක පාසල් සිසුවෙකු ඇදිරි නීති කාලයේදී කාලය අපතේ නොහැර ඉවතලන ද්රව්ය උපයෝගී කරගෙන කුඩා මෝටර් රථයක් නිර්මාණය කොට තිබේ.
කිළිනොච්චිය මහා විද්යාලයේ අරුල්දාසන් රොෂාන් නැමති මෙම සිසුවා එම කුඩා මෝටර් රථය ඔහු විසින්ම සැලසුම් කොට තිබේ.
කැඩී ගිය යතුරු පැදියක එන්ජින් කොටස් හා වෙනත් වාහන වල ඉවත ලන ද්රව්ය උපයෝගී කරගෙන ඔහු විසින් නිපදවන ලද එම කුඩා මෝටර් රථය පැයට කිලෝ මීටර් 60 ක වේගයෙන් ගමන් කළ හැකි අතර එක් කිලෝ මීටරයක් සඳහා වැය වන්නේ සත හැත්තෑවක පමණ මුදලකි.
ඉතා පහසුවෙන් හතර දෙනෙකුට මෙම කුඩා මෝටර් රථයේ ගමන් කළ හැකි අතර එය නිපද වූ සිසුවා අපොස උසස් පෙළ විභාගයෙන් පසුව මෙවැනි මෝටර් රථ නිපදවීම කෙරෙහි අවධානය යොමු කිරීමට බලාපොරොත්තුවෙන් සිටියි.
