ආසියානු කුසලාන 2023 ක්රිකට් තරගාවලිය ශ්රී ලංකා – පාකිස්ථාන සම සත්කාරකත්වයෙන් යුතුව අගෝස්තු මස 31 සිට සැප්තැම්බර් මස 17 දින දක්වා පැවැත්වෙන බව ආසියානු ක්රිකට් කවුන්සිලය නිල වශයෙන් අද (15) නිවේදනය කළේය.
තරග 13කින් සමන්විත තරගාවලියේ තරග 04ක් පක්ස්ථානයෙත්, තරග 09ක් ශ්රී ලංකාවේත් පැවැත්වීමට ආසියානු ක්රිකට් කවුන්සිලය තීරණය කර තිබේ.
වසර 15කට පසු ආසියානු කුසලාන ක්රිකට් තරගාවලිය පැවැත්වීමේ අවස්ථාව මෙවර හිමි වූයේ පාකිස්ථානයටය. එහෙත් ඉන්දීය ක්රිකට් ආයතනය විසින් සිය කණ්ඩායම පාකිස්ථානය වෙත යොමු කිරීම ප්රතික්ෂේප කළේය. මේ තත්ත්වය තුළ තරගාවලිය සම්බන්ධයෙන් මතු වූ ගැටළුකාරී තත්ත්වය නිසා සාකච්ඡා වට ගණනාවකින් පසුව මෙලෙස දෙමුහුම් ආකෘතියක් යටතේ තරග පාකිස්ථානයේ හා ශ්රී ලංකාවේ පැවැත්වීමට ආසියානු ක්රිකට් කවුන්සිලය තීරණය කර තිබිණි.
