කීර්ති ප්රනාන්දු –
අසාමාන්ය ලෙස ඩෙංගු රෝගීන් ඉහළ යෑමක් වාර්තා වුවද බිම් මට්ටමේ රෝග නිවරාණ කටයුතු සම්පූර්ණයෙන්ම ඇණ හිට ඇති බවත් මෙහි බිහිසුණු ප්රතිඵල මරණීය ඩෙංගු වසංගතයකින් කෙළවර ලකුණු පෙන්වමින් ඇති බවත් මහජන සෞඛ්ය පරීක්ෂකවරුන්ගේ සංගමයේ සභාපති උපුල් රෝහණ පෙන්වා දෙයි.
රෝග මර්ධන නිර්නායකයන් ක්රියාත්ම කිරීමට නොහැකි තත්තවයක් ඇති වී තිබෙන බව ඔහු කීවේය.
“ වාර්තාවන ඩෙංගු රොගීන්ගේ නිවාස මීටර 500ක් දුරට පරීක්ෂා කරලා මදුරුවන් බෝවන ස්ථාන විනාශ කර ධුමායනය කිරීමයි කරන්නේ. ධුමයානය සඳහා අවශ්ය රසායන ද්රව්යය බරපතල හිඟයක් ඇති වෙලා. ඩෙංගු රෝගීන් හඳුනා ගැනීම් සඳහා කරන රුධිර පරීක්ෂණ සඳහා ද බොහෝ රෝහල්වල අවශ්ය රසායන ද්රව්ය හිඟයි… රුධිර පරීක්ෂණ අඩුවෙලා… ක්ෂේත්ර කටයුතු වෙනුවෙන් ඉන්ධන නෑ… අපට ඉන්ධන දීමනාව රුපියල් 1200 යි. ලැබෙන්නෙ මූලික පඩිය විතරයි. අතින් පෙට්රල් ගහගෙන එන්නවත් සල්ලි නෑ. සල්ලි තිබුණත් ඉන්ධන නෑ.“
“ඩෙංගු විතරක් නමෙයි… සියලුම බෝවන රෝග නිවාරණ වැඩසටහන් බිම මට්ටමින් මුළුමනින්ම ඇනහිටලා. ඩෙංගු රෝගය නිවාරණය සම්පූර්ණයෙන්ම අකර්මණ්යයයි… මේ තත්ත්වය බිහිසුණු වසංගතයකින් කෙළවර වෙන්න පුලුවන්. එහෙම වෙන්නෙ රටේ සෞඛ්ය පද්ධතිය බෙහෙත් නොමැතිව අවදානමට ලක් වෙලා ඉන්නකොට. “ ඔහු අනතුර පෙන්වා දුන්නේය.
