ශ්රී ලංකා ඖෂධ නීතිගත සංස්ථාව මගින් මුඛ ද්රාවන ටෙන්ඩරයක් අසාධු ලේඛනගත සමාගමකට ලබා දී ඇති බවට මාධ්ය සාකච්ඡා කැඳවා සිදුකළ ප්රකාශය අමූලික බොරුවක් බවත් එම පදනම් රහිත බොරුව සමාජගත කළ පුද්ගලයින්ට එරෙහිව නීතිමය ක්රියාමාර්ග ගන්නා බවත් ශ්රී ලංකා රාජ්ය ඖෂධ නීතිගත සංස්ථාව නිවේදනයක් නිකුත් කරමින් ප්රකාශ කරයි.
Chlorhexidine 0.2% නැමැති මෙම මුඛ ද්රාවණය සඳහා වෛද්ය සැපයුම් අංශය විසින් ඇණවුමක් ඉදිරිපත් කර ඒ සඳහා ප්රසම්පාදන කටයුතු සිදුවෙමින් තිබෙද්දී අදාල ටෙන්ඩරය ප්රධාන කර ඇත්තේ ඖෂධ නියාමන අධිකාරියේ ලියාපදිංචි සහතිකය සහිත අවම මිල ලන්සුව තිබුණු සමාගමට බව ශ්රී ලංකා ඖෂධ නීතිගත සංස්ථාව පවසයි.
ප්රසම්පාදන කමිටුව එම සමාගමට මෙම ටෙන්ඩරය ප්රධානය කිරීමට තීරණය කර තිබුණ ද පසුව කළ පසු විපරම් ක්රියාවලියේ දී සැපයුම්කරු මින් පෙර ගෙවීම් පැහැර හැරිය සැපයුම්කරුවෙක් බව හඳුනාගෙන එම ටෙන්ඩරය ටෙන්ඩර් මණ්ඩලය විසින් අවලංගු කර ඇති බව සංස්ථාව පෙන්වා දෙයි.
අනතුරුව ටෙන්ඩරය සඳහා ඉදිරිපත්ව තිබූ අනෙක් ලංසුකරුවන් අතරින් සුදුසු ලංසුකරුවෙක් තෝරා එය ප්රදානය කර අවසන්ව තිබිය දී මෙවැනි පදනම් රහිත අගතිගාමී බොරු ප්රචාරය කිරීම සාහසික අපරාධයක්වන ආකාරය සංස්ථාව පෙන්වා දෙයි. එමෙන්ම මේ පුද්ගලයින්ට එරෙහිව නීතිමය ක්රියාමාර්ග ගන්නා බවත් රාජ්ය ඖෂධ නීතිගත සංස්ථාව පවසයි. එම නිවේදනය පහත දැක්වේ.
