ශ්රියානි විජේසිංහ –
එළබෙන 8 වෙනදා සිට මේ මස අවසානය දක්වා කාලය තුළ රිය අනතුරු අවම කර ගැනීම සඳහා පොලිස්පතිවරයගේ උපදෙස් පරිදි දිවයින පුරා විශේෂ මෙහෙයුම් ක්රියාත්මක කිරීමට සැලසුම් කර ඇතැයි කොළඹ රථවාහන කොට්ඨාසයේ ජ්යෙෂ්ඨ පොලිස් අධිකාරි කමල් පුෂ්පකුමාර සඳහන් කරයි.
වසරකට හදිසි අනතුරු හේතුවෙන් පුද්ගලයින් 10000ක් දෙනා මිය යන අතර ඉන් සියයට 25ක් නැතහොත් 2300ක් දෙනා මිය යනුයේ රියඅනතුරු හේතුවෙන් යැයිද හෙතෙමෙ පෙන්වාදේ.
අපරික්ෂාකාරීව මාර්ග නීති කඩකරමින් රිය පැදවීම, බීමත්ව රිය පැදවීම වැනි හේතු මත මෙසේ අනතුරු සිදුවන බව පොලිස් අධිකාරී කමල් පුෂ්පකුමාර සඳහන් කරයි.
එළඹෙන උත්සව සමය තුළදී තරුණ දරුවන් තම යහළුවන් සමඟ විනෝද වී බීමතින් රිය පැදවිමෙන් ඔවුන්ගේ තරුණ ජිවිත මෙන්ම අහිංසක පදිකයන්ගේ ජීවිතද අනතුරක ලක්කල හැකි බැවින් දෙමාපියන් තම තරුණ දරුවන් කෙරෙහි වඩාත් කල්පනාකාරී වන්නැයි ඔහු ඉල්ලීමක් කලේය.
ඔහු මෙම අදහස් පළ කළේ අද (3) සෞඛ්ය ප්රවර්ධන කාර්යාංශයේ පැවති මාධ්ය හමුවේදීය.
