වර්ෂ 2023 ජනවාරි 01දා සිට මේ දක්වා රට තුළ පුද්ගලයන් 23 දෙනෙකු වෙඩි තබා ඝාතනය කර ඇති බවත් තවත් 06 දෙනෙක් වෙඩි පහර කෑමෙන් බරපතල තුවාල ලබා ඇති බවත් ශ්රී ලංකා පොලිසිය විසින් ඉදිරිපත් කරන ලද සංඛ්යාලේඛනවලින් අනාවරණය වේ.
මේ වසරේ ජනවාරි මස 01 දා සිට පසුගිය දින 146 තුළ තුළ සිදුවී ඇති සමස්ථ මිනීමැරුම් ප්රමාණය 239ක් බව ද පොලිස් දෙපාර්තමේන්තුවේ දත්ත හෙළි කරයි.
අපරාධ කොට්ඨාශයේ සහ සංවිධානාත්මක අපරාධ කොට්ඨාශයේ හිටපු ජ්යෙෂ්ඨ නියෝජ්ය පොලිස්පති ප්රියන්ත ජයකොඩි පවසා ඇත්තේ 2019 වසරේ මනුෂ්ය ඝාතන 273ක් වාර්තා වී ඇති අතර 2022 වසරේදී එම සංඛ්යාව 523 දක්වා ඉහළ ගොස් ඇති බවය.
2023 වසරේ දින 146 තුළ මේ වන විට මිනීමැරුම් 239ක් වාර්තා වීම දෛනිකව ප්රතිශතයක් ලෙස මිනීමරුම් 1.6%කින් වැඩි වී ඇති බව ඔහු පවසයි.
“මෙම තත්ත්වය ශ්රී ලංකාවට කිසිසේත්ම සුදුසු නැහැ.” නිවුස් ෆස්ට් වෙබ් අඩවිය වෙත අදහස් ලබා දෙමින් හිටපු නියෝජ්ය පොලිස්පතිවරයා පවසා ඇත.
සමාජය තුළ සහ අපරාධකරුවන් අතර ආයුධ සංසරණය වීම වැළැක්වීම සඳහා ශ්රී ලංකා පොලිසිය සාර්ථක සහ ශක්තිමත් බුද්ධි ජාලයක් පුළුල් කළ යුතු බව හිටපු නියෝජ්ය පොලිස්පතිවරයා පෙන්වා දී ඇත.
