අන්තර්ජාතික ප්රඥ්ඥප්තීන් සහ පනත්වලට ගැලපෙන නව ප්රතිත්රස්ත විරෝධී පනතක් සම්මත කරගන්නා තෙක් ක්රියාත්මක කිරීමට සිදුවන්නේ දැනට ත්රස්තවාදය වැලැක්වීමේ පනතද සහිත රටේ නීතිය බව අධිකරණ හා ජාතික ඒකබද්ධතා අමාත්ය හර්ෂණ නානායක්කාර අද (04) පාර්ලිමේන්තුවට පැහැදිලි කළේය.
ඔහු පැවසුවේ මෙවැන්නකි.
“ත්රස්තවාදය වැලැක්වීමේ පනත ඉවත් කළ යුතුයි. අපි එය පිළි ගන්නවා. නමුත් ගෝලීයව බැලුවත් ගෝලීය ත්රස්තවාදයට මුහුණ දීම සඳහා නීති පද්ධතියක් තියනවා. අප සිදුකළ යුතුව තිබෙන්නේ අන්තර්ජාතික ප්රඥප්තීන්වලට , නිර්වචනයන්ට ගැලපෙන ආකාරයේ ත්රස්ත විරෝධී පනතක්, ප්රති ත්රස්ත පනතක් නිර්මාණය කරගැනීම.”
“අපේ මෑතකදි අපේ ආපු පනත්වල තිබුණු ප්රශ්නයක් තමයි ත්රස්තවාදය කියන වචනය ඔවුන් නිර්වචනය කරන්නේ මිනිස්සුන්ට ව්යවස්ථාවෙන් ලබා දෙන භාෂණ නිදහසත් ඇකිලෙන විදිහට. අන්න ඒ නිසයි අපි විපක්ෂයේ ඉන්නකොට ඒවට එරෙහි වුනේ. ”
“ඒ නිසා නැවත මෙම නීතිය සකස් කරගන්නා තෙක් අපට සිද්ධ වෙනවා මේ රටේ ආගම් වාදය ජාති වාදය වර්ග වාදය කොයි ආකාරයෙන් ඉස්මතු වුනත් තිබෙන නීති එක්ක කටයුතු කරගෙන යන්න.”
“භාෂණයේ නිදහසට ගරු කරනවා. ඒ නිදහස තහවුරු කරනවා. ඒත් භාෂණයේ නිදහසත් අපරාධයත් කියන්නේ ලඟින් යන කරුණු දෙකක්. මූණු පොතේ කැමති දෙයක් දාන්න. ඒක භාෂණයේ නිදහස. නමුත් මේ අවස්ථාවේ සිදුවීම මහජන ආරක්ෂක ඇමතිතුමා පැහැදිලි කළා. එක්කෙනෙක් සිලින්ඩරයේ අපේක්ෂයෙක්. සිදුනොවුන මහ විරු සැමරුමක් ගැන අසත්ය දර්ශන දාපු කෙනෙක්. මේක අහිංසකව නීත්යුනුකූලව ව්යවස්ථාවේ තමන්ගේ අයිතිය භුක්ති විඳීම ද?. නැතිනම් උතුර දකුණ නැවත අවුලුවාන අපරාධයක් ද?. මා ආරාධනා කරනවා භාෂණයේ නිදහස ගැන කවි ගී ලියන්න කලින් මේ තත්ත්වය අවබෝධ කරගන්න කියලා. “
