අලුතින් ශ්රි ලංකන් ගුවන් සේවයට ප්රංශයෙන් කල් බදු ක්රමයට ලබා ගත් ගුවන් යානය සඳහා වාර්ෂිකව ගෙවන්නට සිදුවන්නේ ඩොලර් දෙලක්ෂ හැත්තෑ පන් දහසක් නමුත් එයා බස් ගනුදෙනුවේ දී රාජපක්ෂලා කළ දූෂිත ගනුදෙනු හේතුවෙන් රටට නොගෙනා ගුවන් යානා වෙනුවෙන් තවමත් මාසෙකට ඩොලර් ලක්ෂ අටක් ණය ගෙවන බව ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක අද (5) පාර්ලිමේන්තුවේ දී හෙළිදරවු කළේය.
“ඒ කියන්නේ තවත් මෙවැනි ගුවන් යානා තුනක් වෙනුවෙන් ගෙවන්න පුලුවන් ලීසින් වාරිකයක් අපි නොගෙන්වූ ගුවන් යානා වෙනුවෙන් ගෙවනවා… අපි කරන්න භාර ගත්තේ එහෙම රටක්…” අමාත්යවරයා පැවසුවේය.
ඇමතිවරයා ප්රකාශ කළේ අලුතින් ශ්රී ලංකන් ගුවන් සේවයට එක් වුන ගුවන් යානය පිළිබඳ ඇසූ මේ රටේ ජනතාව ප්රමෝදයට පත්වන ආකාරය දකින විට ඇතිවූයේ අසීමිත ආදරයක් බවය.
“මේ ගුවන් යානය ජනතාවට ගෙනාවේ මේ රට හැදෙන බවට වූ විශ්වාසය කියලයි මා විශ්වාස කරන්නේ…”
ඇමතිවරයා කීවේ මෙසේය.
ශ්රී ලංකන් ගුවන් සේවයට අලුත් ගුවන් යානයක් ආවා. අපි දුටුවා ගරු කතානායක තුමනි මේ රටේ මිනිස්සු කොච්චරනම් මේ ගුවන් සේවයට ආදරෙයි ද කියලා. කවදාවත් ගුවන් යානයක ගිහින් නැති මිනිස්සු පවා අපි ලීස් කරලා ප්ලේන් එකක් ගේනකොට ඒ ප්ලේන් එක අපි දැක්කා කොච්චරනම් මිනිස්සු අගය කරනවද කියලා.
ඔබතුමාට කියන්න ඕන මේක අපි ප්රංශයෙන් අරන් තියෙන්නේ ලීස් කරලා. අපි මාසෙකට ඩොලර් දෙලක්ෂ හැත්තෑ පන් දහසක් වගේ තමයි ගෙවන්න තියෙන්නේ. ඒක ගුවන් යානයක් වගේ එකක ආදායමත් එක්ක බලනකොට ඒක විශාල ප්රමාණයක් නෙමෙයි.
නමුත් අද අපට බොහෝ උපදෙස් දෙන රාජපක්ෂලා රනිල් වික්රමසිංහලාගේ පාලනවලින් හොරකම් කරලා… ඔබතුමා දන්නවා එයා බස් ගනුදෙනුවෙ දෙපැතත්ටම හොරකමක් වුනා. එයා බස් ගන්න රාජපක්ෂලා හොරකම් කළා. ගිවිසුම කැන්සල් කරන්න රනිල් වික්රමසිංහලා හොරකම් කළා.
අපි මේ ලීස් කරලා ගෙන්නපු ගුවන් යානයට මාසෙකට ගෙවන්නේ ඩොලර් දෙලක්ෂ හැත්තෑ පන් දාහයි. ඊයේ ගෙනාපු ප්ලේන් එකට. අපි ගෙනාපු නැති හොරකම් කරපු ප්ලේන්වලට අපි ගෙවනවා මාසෙකට ඩොලර් ලක්ෂ අටක්. ඒ කියන්නේ මේ වගේ ප්ලේන් තුනක ගාණක් අපි ඒ හොරකම නිසා ගෙවනවා.
එහෙම රටක් තමයි අපි මේ කරන්නේ. ඇත්තටම ලංකාවෙ මිනිස්සු ගැන මට ඊයෙ හරිම ආදරයක් ඇති වුනා. කවදාවත් ප්ලේන් එකක ගිහින් නැති මිනිස්සු, යන්න බලාපොරොත්තුවකුත් නැති මිනිස්සු පවා ප්ලේන් එක අහෙස යනකොට පවා සතුටු වෙච්චි විදිහ… ලංකාව හැදෙනවා කියන විශ්වාසය මම හිතන්නේ ඒ ප්ලේන් එක අරන් ආවේ.
අපි සතුටු වෙනවා… ඒ සමබන්ධව ශ්රී ලංකන් ගුවන් සේවය දරන මහන්සිය මේක ගොඩනගන්න.
