පිටකෝට්ටේ ප්රදේශයේ අවහන්හලක් තුළ පුද්ගලයෙකුගෙන් රුපියල් ලක්ෂ 90ක මුදලක් අල්ලසක් ලෙස ලබා ගැනීමට උත්සාහ කිරීමේදී අල්ලස් හෝ දූෂණ විමර්ශන කොමිසමේ නිලධාරීන් විසින් අත් අඩංගුවට ගෙන අධිකරණයට ඉදිරිපත් කිරීමෙන් අනතුරුව බන්ධනාගාරගතව සිටි හිටපු බස්නාහිර පළාත් මන්ත්රී සලෝචන ගමගේ සහ දුෂාන්ත දිනේෂ් රත්නායක නැමැති පුද්ගලයින් දෙදෙනා එළඹෙන 17වැනිදා දක්වා රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් තනූජා ලක්මාලී අද (06) නියෝග කළාය.
සැකකරුවන්ගේ ඇප ඉල්ලීම් පිළිබඳ නියෝගය ඉදිරියේදී ප්රකාශයට පත්කරන බව ද මහේස්ත්රාත්වරිය පැවසුවාය.
නාගරික සංවර්ධන අධිකාරිය විසින් කොළඹ, ටොරින්ටන් ඇවනිව් හී පිහිටි ඉඩමක් පවරා ගැනීම වෙනුවෙන් ගෙවිය යුතු වන්දි මුදලින් කොටසක් කඩිනමින් ලබාදීම සඳහා රුපියල් ලක්ෂ අනූවක අල්ලසක් ලබා ගනිද්දී සලෝචන ගමගේ සහ දුෂාන්ත දිනේෂ් රත්නායක පසුගිය 27 දා අත් අඩංගුවට ගත් අල්ලස් හෝ දූෂණ මර්ධන කොමිසම ඔවුන්ව අධිකරණයට ඉදිරිපත් කිරීමෙන් පසු අද දින දක්වා බන්ධනාගාරගත කිරීමට අධිකරණය නියෝග කළේය.
අද අධිකරණය වෙත ඉදිරිපත් කළ අවස්ථාවේ දී සැකකරුවන් නැවත 17 දින දක්වා රක්ෂිත බන්ධනාගාරගත කිරිමට අධිකරණයෙන් නියෝග කෙරිනි.
