අයි.එම්.එෆ් ගිවිසුම මේ වනවිට පවතින ආකාරයෙන්ම ක්රියාත්මක කරගෙන යන බව රජය පවසයි.
අද කැබිනට් තීරණ දැනුම් දීමේ හමුවේ දී කැබිනට් ප්රකාශක විජිත හේරත් පැවසුවේ තම අභිලාෂය ගිවිසුම සමාලෝචනය නමුත් ඒක පාර්ශවිකව එය කළ නොහැකි බවය.
ඉදිරි කාලයේ දී ගිවිසුමේ යම් අංග සංශෝධනය සඳහා සාකච්ඡා අරඹන බවත් අමාත්යවරයා පැවසුවේය.
ඔහු කීවේ මෙවැන්නකි.
“දැනට අයි.එම්.එෆ් එකත් සමග අත්සන් කර ඇති ගිවිසුම අප වෙනස් කරලා නෑ. වෙනස් කරන්න අපට ඒක පාර්ශ්විකව බෑ. ඒ වෙනස් කිරීම සම්බන්ධව නැවත අපට අයි.එම්.එෆ් එකත් එකක් සාකච්ඡා කරන්න වෙනවා.”
දැනට අපි අයි.එම්.එෆ් එකත් එක්ක සාකච්ඡා කරන්නෙ සහ යම් එකඟතාවයකට පැමිණිලා තියෙන්නේ අයි.එස්.බී හෝල්ඩර්ස්ලා ඒ කියන්නේ ජාත්යාන්තර ස්වයිරී බැඳුම්කර ප්රතිව්යුගත කරණය පිළිබඳවයි. ”
“ඒ එකඟතාවය මේ මාසයේ අග එහි මූලස්ථානයේ පවත්වන සාකච්ඡාවලදී අවසන් තැනකට එනවා. ඉදිරි කාලයේ දී අපි බලාපොරොත්තු වෙනවා අයි.එම්.එෆ් ගිවිසුමේ ජනතාවට බදු බර පැටවිලා තිබෙන යෝජනා සංශෝධනය කරගන්න.
නමුත් දැනට එවැනි දෙයක් සිද්ධ වෙලා නෑ.” අමාත්යවරයා පැවසුවේය.
