අයාලේ ගිය ක්‍රීඩකයන් සහ මැතිවුස් හැර ක්‍රීඩකයෝ 18ක් වාර්ෂික කොන්ත්‍රාත්තුවට අත්සන් තබති…

ශ්‍රී ලංකා ක්‍රිකට් ආයතනය සහ ජාතික කණ්ඩායම නියෝජනය කරන ක්‍රීඩකයන් අතර වාර්ෂික කොන්ත්‍රාත්තුව පිළිබඳ ගැටලුව නිරාකරණය වුවත් ඈන්ජලෝ මැතිවුස් එම කොන්ත්‍රාත්තුවට අත්සන් කර නැතැයි වාර්තා වේ.

දැනට තරග තහනමට ලක් වී ඇති ධනුෂ්ක ගුණතිලක, කුසල් මෙන්ඩිස් සහ නිරෝෂන් දික්වැල්ල හැර ක්‍රීඩකයන් 18 දෙනෙක් මෙම කොන්ත්‍රාත්තුව සඳහා අත්සන් කර තිබේ.

ධනංජය ද සිල්වා, කුසල් පෙරේරා, දිමුත් කරුණාරත්න, සුරංග ලක්මාල්, දසුන් ශානක, වනිඳු හසරංග, ලසිත් ඇඹුල්දෙණිය, පැතුම් නිශ්ශංක, ලහිරු තිරිමාන්න, දුෂ්මන්ත චමීර, දිනේෂ් චන්දිමාල්, ලක්ෂාන් සඳකැන්, විශ්ව ප්‍රනාන්දු, ඕෂධ ප්‍රනාන්දු, රමේෂ් මෙන්ඩිස්, ලහිරු කුමාර, අශේන් බණ්ඩාර, අකිල ධනංජය මෙසේ ගිවිසුම්ගත වුණු ක්‍රීඩකයන්ය.