-
පාර්ලිමේන්තුවේ කතා කරන්නේ මම… හිරේ යන්නේ මගේ මල්ලි… අපෙන් පලි ගන්න එක පැත්තකින් තියලා ඉස්සරවෙලා රටේ ජනතාවට තුන් වේල කන්න පුලුවන් ආර්ථිකයක් හදන්න…අපරාදේ ආණ්ඩුවේ වෙලාව….
-
මේ ආණ්ඩුවේ කැබිනට් එකෙත් ඉන්නවා ඉඩම් අල්ලගත්ත උදවිය… ඔවුන්ටත් එරෙහිව මේ රටේ නීතිය ක්රියාත්මක විය යුතුයි… හැමෝටම නීතිය සමාන විය යුතුයි…
තමන් පොලිසියට නෝන්ඩි වෙන්නට එපා යැයි මුලදීම කියා සිටි බවත්, හයිවේ එකේ ජනතා මුදල් වියදම් කරගෙන බෙලි අත්තට ගොස් සිය සොයුරා අත් අඩංගුවට ගෙන මීඩියා ෂෝ නොදමා අපරාධ පරීක්ෂණ දෙපාර්තමේන්තුවට එන්න කීවා නම් ඇවිත් යන බවත් නාමල් රාජපක්ෂ අද (27) මාධ්ය අමතා පැවසුවේය.
නඩු හදමින් දෙශපාලන පළිගැනීම් නොකරන ලෙස රජයට දැනුම් දෙන බව කී නාමල් රාජපක්ෂ දැන් තම පවුලෙන් පළිගැනීම ආරම්භ කර ඇති බවත් තමන් පාර්ලිමේන්තුවේ කතා කරනවිට හිරේ යන්නේ තමන්ගේ සොයුරා බවත් පැවසුවේය.
නාමල් රාජපක්ෂ සහ මාධ්ය අතර අද උසාවි සංකීර්ණය ඉදිරිපිට මෙවැනි සංවාදයක් ඇති විය.
අපි හැමදාම විශ්වාස කරනවා රටේ අධිකරණ පද්ධතිය. ඒ වගේම තමයි දේශපාලන තර්ජනයට ලක් වනකොට අනෙක් පැත්තෙන් අපි අධිකරණයේ සහාය පතනවා. නාමල් රාජපක්ෂ පැවසුවේය.
මාධ්යය – ඇයි මේ වගේ දෙයක් සිද්ධවුනේ
නාමල් – ඒක අහන්න ඕන නියෝජ්ය ආරක්ෂක අමාත්යවරයාගෙන්. මොකද රාත්රියේ කළ සාකච්ඡාවේ දි මා හිටියෙ නෑ. එ්තුමා හිටියේ. එතුමාටත් අමතකවෙලා. එතුමා අති ගරු ජනාධිපතිතුමාගේ නියෝජ්ය ඇමතිවරයා. ඒ කියන්නේ ඒ සකච්ඡාවේ දි ජනාධිපතිතුමත් ඉඳලා තියනවා. ඇයි මෙහෙම කරන්නේ කියන කාරණය මගෙන් අහන්න එපා. ඒක අහන්න නියෝජ්ය ආරක්ෂක අමාත්යවරයාගෙන්, පොලිසිය භාර අමාත්යවරයාගෙන් සහ අධිකරණ ඇමතිවරයාගෙන්.
හැබැයි රටේ ජනතාවගේ ප්රශ්න විසඳන්න කාලය වැය කරන්න ඕන ආණ්ඩුව දේශපාලනඥයින්ව දඩයම් කරන්න… විශේෂයෙන්ම පවුලේ අය… පාර්ලිමේන්තුවෙ කෑ ගහන්නේ මම. හිරේ යන්නේ මල්ලි. අපිව දඩයම් කරන්න කලින් තුන්වේල කන්න පුලුවන් විදිහට මේ රටේ ආර්ථිකය හදලා දෙන්න කටයුතු කළොත් ඒක හොඳයි…
මාධ්යය – දුන්න පොරොන්දුවක් නේද නඩු ෆයිල් ටික ගන්නවා කියන එක
නාමල් – එතුමා දීපු පොරොන්දුවක් වෙන්න පුලුවන්. හැබැයි ඒ මොන ෆයිල් එකද කියන එක තමයි ප්රශ්නය.
මාධ්යය – නීතිය ක්රියාත්මක කරන එක වැරැද්දක් ද?
නාමල් – නෑ… කිසිම වැරැද්දක් නෑ. හැබැයි අපරාධයක් හයිවේ එක දිගේ බෙලි අත්තටම ඇවිල්ල එක්කන් ආපු එක. අපිට සඳුදා එන්න කිව්වා නම් අපි එනවා. ඉරිදා එන්න කිව්වත් අපි එනවා. මොකද අපි මෙතෙන් ආපු ගියපු නැති තැනක් නෙමෙයි නේ. මම කිව්වනේ. පොලිසියට නෝන්ඩි වෙන්න එපා කියලා.
මාධ්යය – පොලිසියට මොකක් ද වුනේ
නාමල් – නෑ මේක අපරාධයක් කියලා හිතෙන්නෙ නැද්ද ඔබතුමාලට. ඔබතුමාලා මේ ඇමතිවරුන්ගේ වාහන ගැන කතා කරනවා. ජනාධිපතිවරයාගෙ වාහන අඩු කළා කියලා ජනාධිපතිවරයා කියනවා. තකහනියක් බෙලි අත්තට යන්නේ ඇයි තෙල් ගහගෙන. කතා කරලා එන්න කිව්වනම් කටඋත්තරය දෙනවනේ.
මාධ්යය – හැබැයි මෙච්චර කාලෙකට අවුරුදු අටක් විතර මේ නඩුව වැහිලා තිබිලා තියනවා නේද?
නාමල් – මේ නඩු පටන් ගත්තෙත් දූෂණ මර්ධන කමිටුවෙ ලේකම්වරයා විදිහට හිටිය දැන් ඉන්න පොලිසිය භාර අමාත්යවරයා. එතුමාගේ එදා තිබ්බ දේශපාලන දඩයම අද සාක්ෂි හදාගෙන ඒ විදිහටම ක්රියාත්මක කරන්න අදහස් කරනවා. පැහැදිලිවම විපක්ෂය මර්ධනය කරලා තමන්ගේ දේශපාලනය කරන්න තමයි මේ ආණඩුව උත්සාහ කරන්නේ.
මාධ්ය – ඔබතුමා දැනුත් කියනව ද පුලුවන්නම් දාන්න කියලා
නාමල් – පැහැදිලිවම … අපි ආණ්ඩුවට කියන්නේ වැරැද්දක් කරලා තියනවා නම් ඒ වැරැද්ද අධිකරණයේ ඔප්පු කරන්න. නිකම් මේ මාධ්ය සංදර්ශන දාලා මේ රටේ ජනතාවගේ මුදල් නාස්ති කරන්න එපා. ඕනෑම කෙනෙක් සම්බන්ධව කටයුතු කරන්න. ආණ්ඩුවේ කැබිනට් මණඩලයෙත් ඉන්නවා ඉඩම් අල්ලපු අය. අධිකරණයේ නඩු තියනවා. ඒ අය ඇතුළු හැමොටම නීතිය ක්රියාත්මක වෙන්න ඕන. හැබැයි දේශපාලනීකරණය කරන්න එපා.
මාධ්යය – ඩේසි ආච්චිගේ මැණික් මල්ලේ කතාව…
නාමල් – ඒක උසාවියෙ දි කියැවෙයි… අපරාදෙ ඔබතුමා අපේ ගෙදර ආවා නම් ඒක පෙන්නන්නත් තිබුණා…
එම අවස්ථාව දෙරෙණ රූපවාහිනිය මෙසේ වාර්තා කර තිබිණි.
