ජනප්රිය රංගන, නර්තන ශිල්පිනී අනුෂා දමයන්ති විසින් සමාජ මාධ්ය තුළ තමාට එල්ල වන අපහාසයක් සම්බන්ධයෙන් අපරාධ පරීක්ෂණ දෙපාර්තමේන්තුවට (සීඅයිඩී) පැමිණිල්ලක් ඉදිරිපත් කර තිබේ.
පැමිණිල්ල ඉදිරිපත් කිරීමෙන් පසු ඇය මාධ්යයට කියා සිටියේ තමාට එරෙහිව සමාජ මාධ්ය හරහා සිදු කෙරෙන මඩ ගැසීම දරාගත නොහැකි බැවින් එය නීතිය ක්රියාත්මක කරන බලධාරීන් වෙත ඉදිරිපත් කිරීමට තීරණය කළ බවයි.
‘මට ෆේස්බුක් වෙබ් අඩවියේ අපහාස කරනවා. මම හිතන්නේ මම රාජපක්ෂ කඳවුර වෙනුවෙන් දැඩි ලෙස සටන් කළ නිසා විය යුතුයි. මට එරෙහිව අමාත්ය සරත් වීරසේකර මහතා ද සම්බන්ධව මඩ ගැසීමේ ව්යාපාරයක් ක්රියාත්මක වෙනවා. මම නුසුදුසු ව්යාපාරයක යෙදී සිටින බව පවසමින් මට අපහාස කළා. වලාන දූෂණ මර්දන කාර්යංශය මගේ නිවස වැටලීමෙන් පසුව මම අමාත්ය වීරසේකර මහතා සම්බන්ධ කර ගත් බව ද එහි සඳහන් වෙනවා. මේ සියලු මඩ ගැසීම්වල නිරත වන්නේ කවුරුන්දැයි මට හිතාගන්න බෑ. මා මෙහි පැමිණියේ අපරාධකරුවන්ට එරෙහිව පියවර ගැනීමට මට අවශ්ය වූ නිසයි.”
සමාජ මාධ්ය හරහා කාන්තාවන්ට හිරිහැර කිරීම ලිංගික හිරිහැරයට සමාන වරදක් බව ද ඇය පැවසුවාය.
