අනුරාධපුර ශික්ෂණ රෝහලේ වෛද්යවරියක සිය නිල නිවාසය තුළදී දූෂණය කළ බවට සැකකරන පුද්ගලයා අද (12) උදෑසන ගල්නෑව ප්රදේශයේ දී අත් අඩංගුවට ගෙන තිබේ.
සැකකරු හමුදාවෙන් පළා ගිය අයකු බවට ඊයේ (11) දිනයේ දීම හඳුනාගෙන තිබිණි. මහ ජන ආරක්ෂක ඇමතිවරයා පාර්ලිමේන්තුවට ද ඒ ගැන ප්රකාශ කළේය. ඔහු සොයා පොලිස් කණ්ඩායම් පහක් මඟින් විශේෂ මෙහෙයුමක් ක්රියාත්මක විය.
මෙම සැකකරු හමුදාවෙන් පලා ආ අයෙකු වන බවත් හමුදාවේ විනය විරෝධී ක්රියාවක් හේතුවෙන් පැන විත් චීවරයක් සහිතව හිමි නමක් ලෙස හැසිරෙමින් සිටි බවත් අනාවරණය වී ඇත.
ඩී 03 , ඇලපාර, ගල්නෑව ලිපිනයේ පදිංචි කිරිබණ්ඩාගේ නිලංක මධුරංග රත්නායක හෙවත් බංටි යන අන්වර්ථනාමයෙන් හඳුන්වනු ලබන අයකු මෙලෙස අත් අඩංගුවට ගෙන තිබේ.
මෙම සිදුවීම මුල් කර ගනිමින් සෞඛ්ය සේවකයන්ගේ ආරක්ෂාව තහවුරු කරන ලෙස ඉල්ලා අනුරාධපුර ශික්ෂණ රෝහලේ වෛද්යවරු ඇතුළු සියලු සෞඛ්ය කාර්යමණ්ඩල මේ වන විට අඛණ්ඩ වෘත්තීය ක්රියාමාර්ගයක් ආරම්භ කර ඇති අතර, රජයේ වෛද්ය නිලධාරී සංගමය විසින් අද දීප ව්යාප්ත වැඩවර්ජනයක් ආරම්භ කර ඇත.
