ඉඳුනිල් කහටපිටිය මහනුවර සිට –
මේ දැක්වෙන වීඩියෝව මේ රටේ මිනිසුන් මොන තරම් අනාරක්ෂිත ද පොලිසිය ගැටලුවක් ඉදිරිපිට මොනතරම් නපුසංකද යන්න කියා පන සජීවී කතාවකි. මුලින්ම ඒ වීඩියෝව බලා ඉන්න.
මේ මැරයින් පහර දෙන්නේ 8 ශ්රේණියේ පාසල් දරු දැරියන් රැගෙන අධ්යාපන චාරිකාවක් සඳහා මහනුවරට පැමිණි බස් රථයකටය. බස් රථය හන්තාන උඩුවෙල පටු පාරේ ගමන් කරන විට ත්රී රෝද රථයක ගෑවී යෑම ප්රහාරයට මුලය. බස් රථයට පහර දෙන විට, ගරුවරුන් සහ දරුවන් මැරයන් ඉදිරියේ හඬා වැටෙන විට එතැන සිටින පොලිස් පඹයාගේ ප්රශ්නයට මැදිහත්වීම මොනතරම් නපුංසක දැයි රටට පෙනෙන්නේය.
මේ දරුවන් පැමිණෙන්නේ අනුරාධපුර නිවත්තක චේතිය මධ්යමහා විද්යාලයෙනි. 8 ශ්රේණියේ දරුවන් රැගත් බස් රථ පහක් සමග ඔවුන් අධ්යාපන චාරිකාවක් ලෙස මහනුවරට එන්නේ නෙල්ලිගල පුදබිම වැඳ, හන්තාන කන්ද දැක, දළදා වහන්සේ ද වන්දනා කරගෙන යළි අනුරාධපුරයට යන්නටය.
හන්තාන මාර්ගය පටුය. වාහන දෙකක් මාරුවීම අසීරුය. බස් රථ පහක් සමග එන බස් රථ පෙළකින් එක් බස් රථයක් අනෙක් පසින් පැමිණි ත්රී විල් රථයක ගෑවී තිබිණි. එයින් ත්රී විල් රථයට ඉතාම සුළු හානියක් පමණක් සිදු වී තිබිණි.
මැරයින් නීතිය අතට ගන්නේ ඒ අවස්ථාවේ දී ය.
හන්තාන උඩුවෙල මාර්ගයේ මහනුවර රෝහල සමීපයේ දී රථවාහන පොලිස් නිලධාරීන් බලා සිටිය දී බස් රථයට එල්ලවන මැර ප්රහාරය ගැන අප බලා ඉන්නේ කම්පනයෙනි. මේ ස්ථානයේ සිට මහනුවර පොලිසියට ඇතේතේ කිලෝ මීටර භාගයක දුරකි.
පහර නොදෙන ලෙස ඉල්ලා ගුරුවරු මැරයින් ඉදිරියේ වැඳ වැටෙන ආකාරය මේ වීඩියෝවේ පෙනේ. සිද්ධිය වීඩියෝ කරන ගුරුවරියට පහර දෙන්නට මැරයෙක් එන ආකාරය දිස් වේ.
මේ වනවිට පහර කෑ බස් රථයේ රියදුරු රෝහලේය. එක් මැරයෙක් පමණක් අත් අඩංගුවට ගෙන තිබේ. සුළු අත් වැරැද්දක් මරණයෙන් කෙළවර විය හැකි විකල් කාලකණ්නි සමාජයක අපේ ජීවිත මොනතරම් අනාරක්ෂිත ද?. සමාජ ජීවිතයේ පරිවර්තනයක් කිරීම සඳහා නීතිය හා සාමය ආරක්ෂා කිරීමේ බලය සහිත පොලිසිය මේ තරම් නපුංසක ද?
පොලිසියේ මහත්තුරුනි. ඊයේ (25) මකුළුගස් වැව දඩයමේ ගොස් ගැබිනි මුව අම්මා කෙනෙකුගේ මළ සිරුරත් සමග හසුවී ගස්බැඳ ගුටි කෑ පොලිස් සිද්ධියටත් වඩා මේ සිද්ධිය කුජීත බව ලියා තබමු.
