කැලණියේ රජයේ ඉඩමක් සම්බන්ධයෙන් දූෂණ චෝදනාවක් සම්බන්ධයෙන් තමා අත්අඩංගුවට ගැනීම වළක්වන ලෙස ඉල්ලා හිටපු අමාත්ය ප්රසන්න රණවීර ගොනු කළ රිට් පෙත්සමක් අභියාචනාධිකරණය අද (28) ප්රතික්ෂේප කළේය.
කැලණිය ප්රාදේශීය ලේකම් කොට්ඨාසයේ කිරිබත් ගොඩ ප්රදේශය තුළ පිහිටි රජයේ ඉඩමක් අයුතු ලෙස අත්පත් කර ගැනීමේ සිද්ධියක් සම්බන්ධයෙන් තමන්ව අත්අඩංගුවට ගැනීම වැළැක්වීමේ නියෝගයක් නිකුත් කරන ලෙස ඉල්ලා මේ වනවිට අධිකරණය මගහරිමින් සිටින ප්රසන්න රණවීර මෙම රිට් පෙත්සම ඉදිරිපත් කර තිබිණි.
අභියාචනාධිකරණය එම රිට් පෙත්සම ඉවත දමන්නේ විභාගයට නොගෙන නිෂ්ප්රභ කරමිනි.
අභියාචනාධිකරණයේ සභාපති විනිසුරු මොහොමඩ් ලෆාර් තාහීර් සහ ප්රියන්ත ප්රනාන්දු යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල විසින් මෙම නියෝගය නිකුත් කරනු ලැබීය.
මෙම සිද්ධිය සම්බන්ධයෙන් හිටපු අමාත්යවරයකු වන මර්වින් සිල්වා ඇතුළු පිරිසක් මේ වන විට මහර මහෙස්ත්රාත් අධිකරණය මඟින් රක්ෂිත බන්ධනාගාර ගත කර සිටිති.
