ලලිත් චාමින්ද –
“බහුදින ධිවර යාත්රා නිරීක්ෂණය සඳහා සවිකොට ඇති ඇතැම් වි.එම්.එස් යන්ත්ර අක්රීයවී ඇති නමුත් ඒ සඳහා වාර්ෂිකව බදු මුදල් ගෙවීමට සිදු වී ඇතැයි ගාල්ල ධීවර වරාය කමිටුවේ සභාපති පී.බී. ගාමිණී පවසයි.
ගාල්ල දිස්ත්රික් දේශිය නිෂ්පාදන කර්මාන්ත වැඩිදියුණු කිරීමේ සංවර්ධන කමිටුවේ දී හෙතෙම මේ බව සඳහන් කළේය. ගාල්ල හොල්ඩි ගොල් ශාලාවේ දී පැවති මෙම කමිටුවේ දී සභාපතිවරයා මෙසේ ද කීවේය.
“ බහුදින යාත්රා නිරික්ෂණය කිරීම සඳහා වි.එම්.එස් යන්ත්ර සවිකරනවා. නමුත් ඇතැම් වි.එම්.එස් යන්ත්ර ක්රියාත්මක වෙන්නේ නැහැ. නමුත් බහුදින යාත්රා හිමියන්ට බදු මුදල් ගෙවිමට සිදුවෙලා. ධීවර කාර්මිකයින්ගෙන් අය කරනු ලැබු බදු මුදල්වලට මොකද වුනේ කියලා සොයා බැලිය යුතුයි. මේ තුළ ක්රියාත්මක වන්නේ මාෆියාවක්. එවැනි නිලධාරින්ට දඩුවම් දිය යුතුයි. වී.එම්.එස් යන්ත්රය අලුත්වැඩියා කරන්න දීලා තියෙන්නේ පුද්ගලික ආයතනවලට. එක් බහුදින යාත්රාවක වි.එම්.එස් යන්ත්රයක් අලුත් වැඩියා කළහොත් රුපියල් 7000ක මුදලක් ගෙවන්න ඕන. මේ නිසා බහුදින යාත්රා හිමියන් ගැටලු ගොඩකට මැදි වෙලා…“ ඔහු කීවේය.
විසිතුරු මසුන් මිරිදිය මත්ස්ය හා ඉස්සන් ඇති කිරීම ධීවර වරාය සංවර්ධන බහුදින ධීවර කටයුතු හා මත්ස්ය අපනයන රාජ්ය ඇමති කංචන විජේසේකර මේ පිළිබඳව අදහස් දැකීවීය.
“ වි.එම් එස් යන්ත්ර පිළිබඳ ගැටලු ගණනාවක් තියෙනවා. ඕස්ට්රේලියානු රජයේ ආධාරයක් ලෙස වි.එම්.එස් යන්ත්ර 4200ක් ලැබෙනවා. මාර්තු මාසය වනවිට එම යන්ත්ර නොමිලේ බහුදින යාත්රා වලට සවි කිරිමට කටයුතු කරණවා. පසුගිය කාලයේ මෙම යන්ත්ර අලුත්වැඩියා කරන්න දීපු ආයතන ගැන ගැටලු තියෙනවා. සමහරක් ආයතන නඩත්තු කටයුතු කරන්නේ නැති නිසා නිත්යානුකුලව කටයුතු කරණවා. අලුතෙන් සවිකරණ යන්ත්ර එක්ක ඉදිරියේ දී මෙම ගැටළුවට විසදුම් ලැබේවි.“ රාජ්ය ඇමතිවරයා සඳහන් කළේය.
මෙම කමිටු රැස්විම සදහා ඇමතිවරුන්වන රමේෂ් පතිරණ,දකුණු පළාත් හිටපු ප්රධාන ඇමති වත්මන් ගාල්ල දිස්ත්රික් මන්ත්රි ෂාන් විජේලාල් ද සිල්වා, ගාල්ල දිස්ත්රික් මන්ත්රිවරුන්වන ඉසුරු දොඩංගොඩ, සම්පත් අතුකොරළ එක්ව සිටියහ.
