ජාලිය වීරක්කොඩි –
හරක් කටාගෙන් රුපියල් කෝටි 12ක කප්පමක් ලබා ගැනිම සඳහා රඛිත රාජපක්ෂ ඩුබායි බලා ගිය සංචාරයට ඔහුගේ පියා වූ විජේදාස රාජපක්ෂ ද එක් වී සිටි බව අධිකරණයේ දී අනාවරණය වී තිබේ.
ඊයේ අධිකරණයේදී තොරතුරු අනාවරණය කරමින් අල්ලස් කොමිසමේ සහකාර අධ්යක්ෂ ජෙනරාල් අනූෂා සම්බන්ධප්පෙරුම ඒ සම්බන්ධයෙන් මෙලෙස අනාවරණය කළාය.
“………මෙම විමර්ශනයේදී දුරකථන සංවාද පටයක් හමුවෙනවා. ඒ දුරකථන සංවාදය සිදුවන්නේ මෙහි පළමු සැකකරු වශයෙන් නම් කර තිබෙන චරිත් අබේසිංහ සහ අත්අඩංගුවේ පසුවන හරක් කටා නමැත්තාගේ හිතවතෙකු බව කියන හර්බි නමැත්තකු අතර……මේ හර්බි නමැත්තා වාසය කරන්නේ ඩුබායි රාජ්යයේ. පසුව ඔහු මේ කාරණය පිළිබඳව ඩුබායි රාජ්යයේ සිටින හරක් කටාගේ බිරිඳවන මදුශානිට දැනුම් දෙනවා. පසුව 2023 වසරේ මාර්තු මස 25 වන දා රකිත රාජපක්ෂ ඇතුළු සැකකරුවන් ඩුබායි රාජ්යයට පිටත් වෙනවා. ඩුබායි රාජ්යයදී හර්බි නමැත්තාගේ නිවසේදී මෙම සැකකරුවන් හරක් කටාගේ බිරිඳව මුණගැසෙනවා…….මෙම ඩුබායි සංචාරය සඳහා සැකකාර රකිත රාජපක්ෂගේ පියාවන හිටපු අධිකරණ ඇමතිවරයාත් සහභාගි වී ඇති බවට තොරතුරු ලැබී තිබෙනවා. ඒ පිළිබඳවත් වැඩිදුර පරීක්ෂණ සිදු කරනවා”.
අධිකරණයේ දී විමර්ශන අංශ පැවසුවේ විජේදාස රාජපක්ෂ සම්බන්ධව ද වැඩි දුර විමර්ශනයක් මේ වනවිට ආරම්භ කර ඇති බවය.
හරක්කටා නොමරා තියා ගන්නටත්, රැඳවුම් නියෝගවලින් ඉවත් කර සාමාන්ය බන්ධනාගාරයකට යොමු කරන්නටත්, පහසුකම් ලබා දීමටත් රඛිත රාජපක්ෂ කෝටි 12ක අල්ලසක් ලබා ගන්නා විට ලංකාවේ ආණ්ඩුවේ අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්යවරයා ජනාධිපති නීතිඥ විජේදාස රාජපක්ෂය. ඔහු රනිල් වික්රමසිංහ ජනාධිපතිවරයාගේ සහ මහින්ද රාජපක්ෂ අගමැතිවරයාගේ සංක්රාන්ති ආණඩුවේ 2022 මැයි 20 දින සිට 2024 ජූලි 29 දින දක්වා උක්ත ඇමතිකම දැරුවේය.
අද අධිකරණය ඉදිරියේ ඇසෙමින් පවතින මෙම සිද්ධිය සම්බන්ධව මුලින්ම අනාවරණය කරන්නේ ලංකා දවස ප්රවෘත්ති වෙබ් අඩවියේය. එමෙන්ම අනතුරුව නිර්මාණි කාර්ගෝ සමාගමේ හිමිකරු සමග එක්ව මෙම අනාවරණයේ වැඩි දුර තොරතුරු ගවේෂණ වෙබ් අඩවිය මගින් සිදුකළේය.
ලංකා දවස වෙබ් අඩවියේ කරුණු උපුටාගෙන අනුප එරංජිත් රාජපක්ෂ විසින් ඔහුගේ ෆේස්බුක් පිටුවේ මෙම සිද්ධිය පල කළේය. ප 2023 සැප්තැම්බර් 07 වෙනි දින බොරු චෝදනා මත ත්රස්තවාදය වැළැක්වීමේ පනත යටතේ ඔහුව රඳවා තබා ගනිමින් බරපතල මානව හිමිකම් ව්යසනයකට ලක් කරමින් දේශපාලනිකව මේ තාත්තලා පුතාලා විසින් පලිගනු ලැබුවේය.
මේ සම්බන්ධයෙන් 2024 මාර්තු 15 වෙනි දින කොළඹ කොටුව මහේස්ත්රාත් අධිකරණයේ දී අනූප එරංජිත් රාජපක්ෂ වෙනුවෙන් පෙනී සිටි නීතිඥ තිස්ස වේරගොඩ සවිස්තර කරුණු ඉදිරිපත් කරමින් අධිකරණය හමුවේ සත්යය හෙළි කර තිබිණි.
අධිකරණ සහ බන්ධනාගාර අමාත්යවරයා ලෙසින් සිටි විජේදාස රාජපක්ෂ සහ ඔහුගේ පුත්රයා නීතිඥ රඛිත නිර්මල රාජපක්ෂ බලය අයුතු ලෙස යොදමින් පාතාලයෙන් කප්පම් ගත් ආකාරය අධිකරණයක් ඉදිරියේ මුලින්ම අනාවරණය වන්නේ එදිනය.
ඒ විජේදාස රාජපක්ෂ නැමැති සිංහල බෞද්ධ ගැමි සචාරවත් සුපිළිපන් දේශපාලන සුපින්වතාගේ එක එක සලු ගැලවෙමින් ඇති අයුරු දකිමු. මේ අලංකාර සහ වෛර්ණ සලුපිළිවලින් වෙස්වලාගෙන සිටියේ අමු මුග්ධ කුපාඩියාගේ ස්වරූපය මේ රටට ඒ ආකාරයෙන්ම හෙළිදරවු විය යුතු බව අපි විශ්වාස කරමු.
ජාතියේ නාමයෙන්, ආගමේ නාමයෙන්, යුක්තියේ නාමයෙන්, සුපිළිපන් දේශපාලනයේ නාමයෙන් යැයි කියමින් අවස්ථානුකූලව අත්තෙන් අත්තට පනිමින් ස්වකීය අභිමත සාධනය වෙනුවෙන් අශික්ෂිත ගේම් ගැසූ මේ පුද්ගලයා අවසානයේ ජඩ ව්යාපෘතිය වෙනුවෙන් තමන්ගේම දරුවා භාවිතා කළ අයෙකි. ඔහු මේ රටේ දෙශපාලන ව්යාධියේ කෲර කිනිතුල්ලෙක් බව රටේ සාමාන්ය අවබෝධය වුව ද එය නිශ්චිත විද්යාත්මක පදනමකින් හෙළිදරවු විය යුතු බැවිනි.
මෙම සිද්ධි දාමයේ වැදගත්ම කාරණාවක් මතුවේ. මේ වනවිට විජේදාස පිය පුතු දෙපළ අසලින් වංගුවක් දා පැමිණ ගේම පත්තු වෙන්නේ මොළේ කළඳක් රහිත මෙලෝ රහක් නැති හිඟන නලුවෙක් වූ චරිත් අබේසිංහ මතින් විම සලකුණු විය යුතුය. මේ ගොඩ ගන්නට යන්නේ විජේදාස රාජපක්ෂලාගේ දේශපාලන පැලැන්තිය විසින් සදාකාලිකව සොහොන් කළ බව සිතූ අශිෂ්ඨත්වයේ ජඩ කමනම් බිත්තියට හේත්තු වූ මළ පෙරේතයින් විසින් එල්ල කරන ප්රහාරයන්හි ගැඹුර ගැන රටක් ලෙස කල්පනාකාරී විය යුතු බව අවධාරණය කරමු.
