අද (27) ට නියමිතව තිබූ ඉරාන බලශක්ති මධ්යස්ථාන වෙත ප්රහාර එල්ල කිරීම ලබන 6 දක්වා අත්හිටුවීමට තීරණය කළ බව ඇමරිකානු ජනාධිපති ඩොනල්ඩ් ට්රම්ප් ප්රකාශ කරයි.
ඔහු පවසන්නේ ඉරාන රජය කළ ඉල්ලීමක් සලකා බලා ප්රහාරය මෙසේ තාවකාලිකව කල් දැමූ බවය.
ජනාධිපතිවරයා මේ බව ප්රකාශ කළේ සිය නිල සමාජ මාධ්ය ගිණුමක සටහනක් තබමිනි. ඒ අනුව ඇමරිකානු නැගෙනහිර වේලාවෙන් අප්රේල් 06 වැනි සඳුදා රාත්රී 8 දක්වා මෙම ප්රහාර අත්හිටුවීම බලාත්මක වන බව ට්රම්ප් පවසයි.
දෙරට අතර පවතින අර්බුදකාරී තත්ත්වය සමනය කර ගැනීම සඳහා වන සාකච්ඡා මේ වන විට සාර්ථකව ඉදිරියට යමින් පවතින බව ද ජනාධිපතිවරයා එහිදී අවධාරණය කර තිබේ.
“ඉරාන රජයේ ඉල්ලීම පරිදි, බලශක්ති මධ්යස්ථාන විනාශ කිරීමේ කාලසීමාව අප්රේල් 06 වැනිදා දක්වා කල් දැමීමට මම තීරණය කළෙමි. සාකච්ඡා අඛණ්ඩව සිදුවන අතර ඒවා ඉතා සාර්ථක මට්ටමක පවතී,” යනුවෙන් ඔහු එම සටහනේ දක්වා ඇත.
කෙසේ වෙතත්, ඇමරිකානු ජනාධිපතිවරයාගේ මෙම ප්රකාශය සම්බන්ධයෙන් ඉරාන රජය මෙතෙක් නිල වශයෙන් ප්රතිචාර දක්වා නොමැති අතර මීට පෙර අවස්ථාවලදී ඉරානය ප්රකාශ කර තිබුණේ ඇමරිකාව සමඟ සෘජු සාකච්ඡා පවත්වන බවට පළවන වාර්තා අසත්ය බවයි.
හෝර්මුස් සමුද්ර සන්ධිය නැවත විවෘත කිරීම සම්බන්ධයෙන් වූ දැඩි කොන්දේසි මත පදනම්ව ඇමරිකාව විසින් ඉරානයට මෙම ප්රහාරාත්මක අනතුරු ඇඟවීම් සිදු කර තිබිණි.
දෙරට අතර මැදිහත්කරුවෙකු ලෙස පාකිස්ථානය කටයුතු කරන බවට ද විදෙස් මාධ්ය වාර්තා පෙන්වා දෙයි.
