ඉතියෝපියාවේ දී සංවිධානාත්මක අපරාධ කල්ලියක් විසින් ප්රාණ ඇපයට ගෙන සිටි ශ්රී ලාංකිකයින් තුදෙනෙක් මුදා ගෙන ඇතැයි විදේශ කටයුතු අමාත්යාංශය පවසයි.
යාපනයේ පදිංචි මෙම පුද්ගලයින් ඉතියෝපියාවේ සන්නද්ධ කල්ලියක ග්රහණයට පත් වන්නේ ඔවුන් ඉතියෝපියාව හරහා කැනඩාවට පැන ගැනීමට කළ උත්සාහයක් අතරය.
මෙම පුද්ගලයින් නිදහස් කිරීම සඳහා කප්පම් මුදල් අපරාධ කල්ලිය විසින් ඉල්ලා තිබිණි. ඒ බව අත් අඩංගුවට පත් වූවෝ ස්වකීය ඥාතීන් වෙත දන්වා තිබුණහ. ඒ තොරතුරු ඔස්සේ ඔවුන් තිදෙනා මේ ගමනට යොමු කළ පුද්ගලයා ද අත් අඩංගුවට ගැනීමට විමර්ශන අංශවලට හැකි විය.
විදේශ කටයුතු අමාත්යාංශය මේ වනවිට ප්රකාශ කර ඇත්තේ ඉතියෝපියානු බලධාරීන් සමග සිදුකළ ඒකාබද්ධ මෙහෙයුමකින් පසු ශ්රි ලාංකිකයින් තිදෙනා මුදා ගත් බවය.
ඔවුන් නැවත මෙරටට ගෙන්වා ගැනීමේ කටයුතු සූදානම් වෙමින් ඇතැයි වාර්තාවේ.
