කිසිම නෛතික පදනමක් රහිතව දේශපාලන ජාවාරම්කරුවන් සහ තැරැව් කරුවන් හරහා විසින් දියත් කරන්නට හැදූ E8 වීසා ජාවාරමට කිසිම ආකාරයක නීත්යානුකූළ මුහුණුවරක් ලබා දිය නොහැකි බව කැබිනට් මාධ්ය ප්රකාශක නලින්ද ජයතිස්ස අද ප්රකාශ කළේය.
කැබිනට් තීරණ දැනුම් දෙමින් ඇමතිවරයා කීවේ අසාධාරණයට ලක් වූ තරුණ පිරිසට සාධාරණයක් කළ හැකි නමුත් මේ නීති විරෝධී ජාවාරම නීත්යානුකූල කළ නොහැකි බවය. මෙම ජවාරම සම්බන්ධව මේ වනවිට විමර්ශනයක් ආරම්භ කර ඇති බවද ඔහු පැවසුවේය.
ඇමතිවරයා පැවසුවේ මෙවැන්නකි.
“ඩොලර් උත්පාදනයේ ප්රධානම ක්ෂේත්රයක් තමයි විදෙස් ප්රේෂණ. එතැනදි දැනට කොරියාවේ සේවය කරන 28,000ක්- 30,000ක් අතර වන විදෙස්ගත ශ්රමිකයන් ලංකාවට ලබා දෙන මුදල් අතිශය වැදගත්. ඒ සඳහා රජය මැදිහත්ව විදේශ සේවා කාර්යාංශය සමග එක්ව යම් නියමිත නීත්යානුකූල ක්රමවේදයක් මෙතෙක් දියත් කරමින් සිටියා. ඒක තමයි E9 වීසා ක්රමවේදය.
නමුත් මේ E8 වීසා ක්රමවේදය විදේශ සේවා නියුක්ති කාර්යාංශයවත් දන්නේ නැති, විදේශ සේවා නියුක්ති කාර්යාංශයේ ගිවිසුමකලට ලක් නොවුණු අනීතික ක්රියාවලියක්. එතකොට අනීතික ක්රියාවලියක් නීත්යානුකූල කරන්න රජයට බැහැ.
E8 එක නීත්යාණුකූල කලොත් අපිට E9 එකත් නැති වෙන තත්ත්වයක් තියෙන්නේ. අපිට ලැබිලා තියෙන ආරංචි මාර්ග හැටියට කලින් උදවිය මේ තරුණයන් නොමග යවලා ඔවුන්ට ඒ රටට ගියාට පස්සේ පැනලා යන්න අවස්ථාවක් තියෙනවායි කියලා බොරු මතයක් හදලා තමයි මේ වීසා හදලා තියෙන්නේ.
මේකට අදාළ කරන ගිවිසුමක් විදේශ සේවා කාර්යාංශයේ නෑ. මේ අනීතික ක්රියාවලිය පිටිපස්සේ දේශපාලන සහ තැරැව්කරුවන් ඉන්නවා. දැනටමත් විදේශ සේවා නියුක්ති කාර්යාංශයේ සභාපතිවරයා විසින් අපරාධ පරීක්ෂණ දෙපාර්තමේන්තුවට මේ සම්බන්ධව පැමිණිලි කරලා තියෙනවා. මේ සම්බන්ධව තරුණයන්ව රවට්ටලා ජාවාරමක් කරලා තියෙන අයට අනිවාර්යයෙන් නීතිය ක්රියාත්මක කරනවා.
මේ ඉතුරු වෙලා ඉන්න හැට ගානට අපි සාධාරණයක් කරලා දෙන්නම්. හැබැයි මේ ක්රියාවලිය නීත්යානුකූල කරන්න අපිට කිසිම හැකියාවක් නෑ. එහෙම වුණොත් රටක් විදිහට අපි බරපතළ ප්රශ්නයකට මුහුණ දෙනවා.”
