වසර 09කට පසු කතෝලික සභාව සහ රජයේ නියෝජිතයන් අතර විශේෂ සාකච්ඡාවක් විද්යා හා තාක්ෂණ අමාත්ය ක්රිෂාන්ත අබේසේන සහ ජනාධිපති ලේකම් ආචාර්ය නන්දික සනත් කුමානායකගේ සම සහාපතිත්වයෙන් ඊයේ (21) පස්වරුවේ ජනාධිපති කාර්යාලයේදී පැවැත්විණි.
රජයට පවරා ගත් කතෝලික පාසල්වල පරිපාලන ගැටලු නිරාකරණය කිරීම, කතෝලික ධර්මය ඉගැන්වීම සඳහා විධිමත් ගුරු කාර්යය මණ්ඩල ක්රමවේදයක් සකස් කිරීම සහ ගුරු වෘත්තිය සඳහා කතෝලික පූජක සොහොයුරියන් මෙන්ම පියතුමන්ලා බඳවා ගැනීමේ අවශ්යතාව පිළිබඳව මෙහිදී දීර්ඝ වශයෙන් සාකච්ඡා කෙරිණි. එසේම රජයට පවරා ගත් කතෝලික පාසල්වල කටයුතු වෙනුවෙන් අධ්යාපන අමාත්යාංශයේ සහාය ඍජුව ලබාගත හැකි ක්රමවේදයක් සකස් කිරීම කෙරෙහි ද අවධානය යොමු විය.
මෙම සාකච්ඡා මින් ඉදිරියට වසරකට තෙවරක් පැවැත්වීමට තීරණය වූ අතර, එහි ලේකම්වරයා ලෙස ජනාධිපති ජ්යෙෂ්ඨ අතිරේක ලේකම් රෝෂන් ගමගේ කටයුතු කිරීමට නියමිතය.
සාකච්ඡාව සඳහා අවස්ථාව සලසා දීම පිළිබඳව කතෝලික සභාව වෙනුවෙන් ජනාධිපති අනුර කුමාර දිසානායක ඇතුළු රජයට සිය ස්තූතිය ප්රකාශ කරන බව අතිඋතුම් මැල්කම් කාදිනල් රංජිත් හිමිපාණෝ පැවසූහ. කිසිදු භේදයකින් තොරව සියලුම සිසුන්ට තමාගේ ආගම ඉගෙනීමට තිබෙන අවස්ථාව තහවුරු කිරීම තම අපේක්ෂාව බවත්, අධ්යාපන කේෂ්ත්රයේ ඇතිව තිබෙන ගැටලු සහගත තත්ත්වයන් කඩිනමින් නිරාකරණය කර ගත යුතු බවත් උන්වහන්සේ වැඩිදුරටත් පෙන්වා දුන්හ.
මෙම අවස්ථාවට අතිඋතුම් හැරල්ඩ් ඇන්තනී පෙරේරා රදගුරු හිමිපාණන්, අතිඋතුම් ක්රිස්ටි නොයෙල් එම්මානුවෙල් රදගුරු හිමිපාණන්, අතිඋතුම් ඇන්ටන් රංජිත් රදගුරු හිමිපාණන්, අතිඋතුම් විමල් සිරි ජයසූරිය රදගුරු හිමිපාණන් ඇතුළු කතෝලික සභාවේ සාමාජික පියතුමන්ලා ද, අධ්යාපන අමාත්යාංශයේ ලේකම් නාලක කලුවැව ඇතුළු එම අමාත්යාංශයේ ජ්යෙෂ්ඨ නිලධාරීහු පිරිසක් ද එක්ව සිටියහ.
