හිටපු දිවයින කර්තෘ ප්රවීන මාධ්යවේදී අනුර සොලමන්ස් අභාවප්රාප්ත වූ බව කණගාටුවෙන් යුතුව දැනුම් දී සිටිමු.
මෑත පුවත්පත් කලාවේ සිංහල සහ ඉංග්රීසි භාෂා ද්විත්වයම චතුර ලෙස හසුරුවමින් විශිෂ්ට නිර්මාණශීලී ලේඛනයක යෙදුන හෙතෙම දශක හතරකට ආසන්න කාලයක් පුවත්පත් කලාවේදියෙක් ලෙස සේවය කළේය. තියුණු උපහාසාත්මක ලේඛන ශෛලියක් සහිතව දිවයින පුවත්පතට අනන්ය පෞරුෂයක් එක් කළ දිවයින කතු වැකිය අනුර සොලමන්ස් අතින් ලියැවුන ඉතිහාසයක් තිබිණි.
දිවි සැරියෙන් සමුගන්නාවිට 66 වැනි වියෙහි පසුවූ හේ මීට දින කීපයකට පෙර හදිසියේ ඇති වූ හෘදයබාධයකින් අනතුරුව කොළඹ ජාතික රෝහලේ දැඩි සත්කාර ඒකකයේ ප්රතිකාර ලබමින් සිටිය දී අද උදෑසන අභාවප්රාප්ත වී ඇත.
අවසන් කටයුතු ඉදිරියේ දී දැනුම් දීමට නියමිතය.
