සූරියවැව නුවන් ජයසේකර –
අම්බලන්තොට, උඩබැරගම ප්රදේශයේදී ටිපර් රථයක් සහ යතුරුපැදියක් ගැටීමෙන් සිදු වූ අනතුරකින් 16 හැවිරිදි පාසල් සිසුවෙකු ඊයේ (10) රාත්රියේ මියගොස් ඇති බව අම්බලන්තොට පොලිසිය පවසයි.
මෙලෙස අවාසනාවන්ත ලෙස ජීවිතක්ෂයට පත්ව ඇත්තේ බෝලාන මහා විද්යාලයේ 11 වන ශ්රේණියේ ඉගෙනුම ලැබූ, රුහුණු රිදියගම, අම්බලන්තොට ලිපිනයේ පදිංචිව සිටි සිසුවෙකි.
අනතුර සිදුවන අවස්ථාවේ යතුරුපැදියේ ගමන් ගත් අනෙක් 16 හැවිරිදි සිසුවාද තුවාල ලබා ප්රතිකාර සඳහා බෝලාන රෝහලට ඇතුළත් කර තිබේ.
පොලිස් පරීක්ෂණවලදී අනාවරණය වී ඇත්තේ, යතුරුපැදිය අධික වේගයෙන් ධාවනය වී ඇති බවය. එහිදී ඉදිරියෙන් පැමිණි පස් ප්රවාහනය කරමින් තිබූ ටිපර් රථය දැක යතුරුපැදිකරුට එය පාලනය කරගත නොහැකිව බිම ඇද වැටී ලිස්සා ගොස් ටිපර් රථයට යට වී ඇති බව වාර්තා වේ.
අනතුර සම්බන්ධයෙන් ටිපර් රථයේ රියදුරු සහ රථය අම්බලන්තොට පොලිසිය විසින් අත්අඩංගුවට ගෙන ඇත. සිද්ධිය සම්බන්ධයෙන් වැඩිදුර විමර්ශන ක්රියාත්මකය.
