ඕස්ට්රේලියාවේ පැවති විස්සයි විස්ස ලෝක කුසලාන තරගාවලියේ අනියත වියදම් ගැන සොයා බැලීමට ක්රීඩා අමාත්ය රොෂාන් රණසිංහ විසින් පත් කරන ලද වෝහාරික විගණනයේ වාර්තාව සියල්ලටම කලින් ක්රිකට් ආයතනයට ලැබී ඇතැයි වාර්තා වේ.
විගණකාධිපති දෙපාර්තමේන්තුව මගින් පිටු හැට ගණනකින් යුත් වාර්තාවක් පාර්ලිමේන්තු ගත කිරීම සඳහා ක්රීඩා ඇමතිවරයා වෙත මීට සති දෙකකට උඩදී භාර දී තිබුණි.
මෙය නුදුරේදී මාධ්ය වෙත නිකුත් කරන බව ක්රීඩා ඇමතිවරයා පසුගියදා පැවති මාධ්ය හමුවකදීද ප්රකාශ කර සිටියේය.
එසේ තිබියදී එහි පිටපතක් අමාත්යාංශයේ ලේකම්වරයා විසින් අමාත්යවරයා හෝ දැනුවත් නොකර ක්රිකට් ආයතනය වෙත යැවීම ක්රීඩා ඇමතිවරයාගේද මවිතයට කරුණක් වී ඇති බව ලංකාසරට වාර්තා වේ.
ඇමතිවරයාගේ හිටපු උපදේශකයකු හා ක්රිකට් ආයතනයේ මූල්ය කටයුතු වලට සම්බන්ධ නිලධාරියකු මේ සම්බන්ධව ලේකම්වරයා නොමග යවා ඇතැයිද වාර්තා වේ.
