ලලිත් චාමින්ද –
මහමෝදර ප්රදේශයේ බූරුපිටියක් වටලා කාන්තාවන් 13 දෙනෙකු මෙකි මෙහෙයුමේ දි අත්අඩංගුවට ගත් බව ගාල්ල පොලිසිය පවසයි.
මේ අත් අඩංගුවට ගැනීම සිද්ධ වන්නේ ගාල්ල නගරයේ ක්ෂණික මාර්ග බාධක යොදා ඊයේ (26) රාත්රියේ දි සිදුකළ විශේෂ සෝදිසි මෙහෙයුමකට සමගාමීවය.
මෙම මෙහෙයුමේ දී කාන්තාවන් 13 දෙනා ඇතුළුව විවිධ වැරදි සම්බන්ධයෙන් පුද්ගලයින් 37 දෙනෙකු අත්අඩංගුවට ගත්බැව් ගාල්ල පොලිසිය පවසයි.
ගාල්ල නගරයට පිවිසෙන ප්රධාන මාර්ග අසල පොලිස් කණ්ඩායම් හයක් යොදවා ත්රී රෝද රථ නවත්වා පරීක්ෂා කිරීමට ද පොලිසිය මගින් පියවරගෙන තිබුණි..
මත්ද්රව්ය ළග තබා ගැනිම සම්බන්දයෙන් සැකකරුවෙකුට සහ රථ වාහන වැරදි සම්බන්ධයෙන් රියදුරන් පිරිසකට නඩු පැවරීමට කටයුතු කරණු ලබන බව පොලිසිය පවසයි.
ඊයේ (26) පස්වරු 05 සිට රාත්රි 09 දක්වා මෙකි සොදිසි මෙහෙයුම සිදුකළ අතර මේ සදහා පොලිසිය, විශේෂකාර්යබලකාය, ගුවන්, නාවික හා යුධ හමුදා යන ආරක්ෂක අංශවලට අයත් නිලධාරින් 174 දෙනෙකු එක්වසිටියහ.
නීති විරෝධී අවි ආයුධ සහ මත්ද්රව්ය ප්රවාහනය වැළැක්වීමේ අරමුණින් ගාල්ල නියෝජ්ය පොලිස්පති ජගත් ද සේරම් ගේ සෘජු අධීක්ෂණ යටතේ මෙම හදිසි මෙහෙයුම දියත් කරණු ලැබිය.
