දිනසේන රතුගමගේ-
-
සෝපානය අක්රීය වෙන දවසට ඉහළ මාලයට ලෙඩ්ඩු කරේ ගෙනියන්න අවට ආමි කෑම්ප් වලින් හමුදා සෙබලු ඩියුටි දානවා…
මේ වසර ඇතුළත දාහතර වෙනි වතාවටත් අක්රීය වූ වවුනියාව මහ රෝහලේ විදුලි සෝපානය තුළ වෛද්යවරු ඇතුළු 11 දෙනෙකු ඊයේ (5 ) සිර වී තිබේ.
ඔවුන්ව බේරා ගැනීමට විනාඩි හතළිහක පමණ කාලයක් දැඩි පරිශ්රමයක් දැරීමට වවුනියාව මහ රෝහලේ කාර්ය මණ්ඩලයට සිදු විය.
මෙම විදුලි සෝපානය ක්රියා විරහිත වීම නිරන්තරයෙන් සිදුවන අතර එවැනි අවස්ථාවලදී රෝහල් සේවකයින්ට අසාධ්ය රෝගීන් රෝද පුටුවල තබාගෙන රෝද පුටුව කර මතින් රැගෙන යාමට සිදුව ඇත.
එවැනි අවස්ථාවලදී යුද හමුදා නිලධාරීන් ඊට සහාය වීමට අවට යුද හමුදා කදවුරු වලින් වවුනියාව මහ රෝහලට පැමිණෙති.
වවුනියාව මහ රෝහලේ විදුලි සෝපානය අලුත් වැඩියා කිරීම සදහා මේවන විට ගෙවා ඇති විශාල මුදලට රෝහලේ පැරණි විදුලි සෝපානය වෙනුවට අළුතින් විදුලි සෝපානයක් සවි කිරීමට හැකියාව තිබුණද රෝහලේ පාලන අධිකාරිය ඒ කෙරෙහි කිසිදු උනන්දුවක් නොදක්වන බවට වවුනියාව මහ රෝහලේ සේවක සේවිකාවෝ පාලන අධිකාරියට චෝදනා කොට සිටිති.
