මේ දවස් වල ගහන්නෙ එල්පීඑල් ක්රිකට්ය. ඔය ටීම් වලට දමා ඇති නම් හරිම ෂෝක් ය.. දඹුල්ල සික්සර්ස්, ජැෆ්න කින්ග්ස්, ගෝල් මාවල්ස්, කලම්බු ස්ට්රයිකර්ස්, කැන්ඩි බී ලව්.
මීට කලින් ජැෆ්න ස්ටැලියොන්, දඹුල්ල අවුරා, දඹුල්ල තන්ඩර්ස් යන නම් වලිනුත් කණ්ඩායම් තිබුණේය. ඒ ඒ කාලෙට කණ්ඩායම් මිළදී ගන්නා හිමි කරුවන් ඔවුන්ට අවශ්ය පරිදි නමේ අන්තිම කෑල්ල ගත්තත් මාකට් කරන්නේ යාපනය, දඹුල්ල, ගාල්ල , මහනුවර හා කොළඹය.
එහෙත් මේ හිමි කරුවන් කෝටි ගණන් වියදම් කළත් මේ පළාත් වලට නම් සත පහක දෙයක් නොවන බව බොහෝ දෙනා නොදන්නා කරුණක්ය.
මේ ප්රකෝටිපති හිමිකරුවන් විශේෂයෙන් දඹුල්ල හා යාපනය වැනි දුෂ්කර පළාත්වල අමාරුවෙන් ක්රිකට් ගහන පාසල් ක්රීඩකයන්ටවත් ඒ පාසල් වලටවත් සත පහක උදව්වක් නොකරන බව නියුට්රල් අම්පයර් කියන්නේ බොහොම කණගාටුවෙනි.
ජැෆ්නා ස්ටැලියොන්ලා පමණක් යාපනයේ ගෘහස්ථ ක්රීඩාගාරයක් ඉදිකොට ඇකඩමියක් පවත්වාගෙන ගියත් යාපනයේ හා දඹුල්ලේ ඉපදුනු අයිතිකරුවන් වන ජැෆ්නා කින්ග්ස් හා දඹුල්ල අවුරාද ඒ පළාත් වල ක්රිකට් දියුණුවට කළ කිසිදු කෙංගෙඩියක් නොවන බව කිව යුතුයි.
අලුතින් දඹුල්ල කණ්ඩායම මිළදී ගෙන තිබෙන කුරුණෑගල පළාතේ ඉපදුනු නව හිමිකරුවත් ඒ පළාතේ ක්රිකට් දියුණුවට යමක් නොකොළොත් වෙන්නේ තම කණ්ඩායමේ ක්රීඩා කරන කොහෙවත් නැති ක්රීඩකයන් පිරිසකගේ සාක්කු ඩොලර් වලින් පිරවීම පමණයි.
ඒ ඒ පළාත් වල නම් යොදා ගත්තත් ඒ පළාතට යමක් නොකරන්නේ නම් ඩොලර් ලක්ෂ ගණන් වැය කොට ඔවුන් කරන දෙයින් ක්රිකට් වලට යමක් නොවන බව කිව යුතුයි.
