කොල්ලන් ගොබ්බයන් සේ අකුලාගෙන පැමිණි පසු ක්රිකට් කෙල්ලන්ගේ වික්රමයන් දකිමින් සතුටුවන ජාතියකට තවත් මිහිරි කතාවක් කියන්නට තිබේ. එක්දින තරගාවලිය 3-0 ලෙස ජයග්රහණය කළ ශ්රී ලංකා ක්රීඩිකාවෝ බටහිර ඉන්දීය කොදෙව් කාන්තා කණ්ඩායමට එරෙහිව අද (24) සූරියවැව දී ආම්භ වුන විස්සයි විස්ස තරගාවලියේ පළමු තරගයෙන් විශිෂ්ඨ කඩුළු 04ක ජයග්රහණයක් වාර්තා කර ඇත.
කාසියේ වාසිය දිනූ ශ්රී ලංකා කාන්තා කණ්ඩායම ප්රථමයෙන් පන්දු රැකීම තේරුවේය. ස්ටෆානි ටේලර් සහ නායිකා හේලි මැතිව්ස් ඉනිම ආරම්භ කළහ. මුල් කඩුල්ල වෙනුවෙන් ඔවුන් දෙදෙනා අතර ඇති වූ සම්බන්ධතාවය ලකුණු 40කි. ස්ටෆානි ටේලර් ලකුණු 11කි. නායිකා හේලි මැතිව්ස් පන්දු 30ක දී හතරේ පහර 05ක් සහිතව ලකුණු 30කි. ආලියා ඇලයින් ලකුණු 26ක් ලබා ගත්තාය. ඒ හතරේ පහර 3ක් සමග පන්දු 22ක දී ය. කිආනා ජෝෂප් පන්දු 18ක දී ලකුණු 20ක් ලැබුවාය. හතරේ පහර තුනක් සහ එක් හයේ පහරක් එම ලකුණු 20ට ඇතුළත් විය.
බටහිර ඉන්දීය කොදෙව් කාන්තා කණ්ඩායම නියමිත පන්දුවාර 20 තුළ කඩුලු 8ක් දැවී ලකුණු 134ක් රැස් කළහ. මෙවර පන්දුවෙන් දස්කම් දැක්වූ විශිෂ්ඨ ක්රීඩිකාව වූයේ චමරි අතපත්තුය. ඇය පන්දු ඕවර 4 තුළ ලකුණු 29කට කඩුළු 4කි. ඇයට එක් වූ ඉනෝෂි ප්රියදර්ශනී ලකුණු 28ක කඩුළු 03කි. අමා කාංචනා ලකුණු 19කට කඩුල්ලක් ලැබුවාය. විස්සයි විස්ස තරගයක කඩුලු මෙන්ම ලකුණු සීමා කරන පන්දු යැවීමත් වැදගත්ය. එවැනි පන්දු යැවීමක් කාව්යා කාවින්දි විසින් කළාය. ඇය පන්දු ඕවර 2ක් යවා ලබා දුන්නේ ලකුණු 2ක් පමණි.
ලකුණු 135ක ඉලක්කයක් හඹා යෑමට පැමිණි ශ්රී ලංකා කාන්තා කණ්ඩායමේ මුල්ම බලාපොරොත්තුව ලකුනු 14 දී බිඳී ගියේය. චමරි අතපත්තු ලකුණකට ක්රීඩා ගාරයට යැවීමට හේලි මැතිව්ස් සමත් වූවාය.
“චමරී ගැහුවොත් දිනුම්” කියන ආකල්පය එතැන් සිට තරුණ ශ්රී ලංකා ක්රීඩිකාවෝ වෙනස් කළහ. කාන්තා කණ්ඩායම මෙතෙක් සොයා ගත් යොවුන් ක්රිකට් සම්පත් අතර තමන් ප්රමුඛව සිටින බව ආරම්භක පිතිකාරිණී විශ්මි ගුණරත්න යළිත් තහවුරු කළාය. ඇය හතරේ පහර 6ක් සමග පන්දු 23ක දී ලකුනු 35ක් ලබා ගනිමින් චමරී නැති අඩුව පුරවන විට අනෙක් අන්තයෙන් ඇය හා එක් වූ හර්ෂිතා සමරවික්රම පන්දු 34ක දී හතරේ පහර 3ක් සමග ලකුනු 35ක් ලැබුවාය.
ශ්රී ලංකා කණ්ඩායමට විශ්වාසනීය ජයග්රාහී අඩිතාලම දමනු ලැබුවේ විශ්මි සහ හර්ෂිතා ය. පළමු කඩුල්ල වෙනුවෙන් ඔවුන් දෙදෙනා අතර ගොඩනැගුණ සම්බන්ධතාවය ලකුණු 46කි.
අනතුරුව මැද පෙළ පිතිකාරිණී හසිනි පීරිස් හතරේ පහර 3ක් සමග පන්දු 14ක දී ලකුනු 20ක් ලැබුවාය. අනතුරුව නිලක්ෂි සිල්වා නොදැවී ලකුණු 17ක් සහ අමා කාංචනා නොදැවී ලකුණු 07ක් සමග තරගය නිමා කළහ. ශ්රී ලංකා කණ්ඩායම කඩුලු 6ක් පමණක් දැවී තිබිය දී ලකුණු 137ක ජයග්රාහී ඉලක්කය ඉක්මවූයේය.
තවමත් ශ්රී ලංකා කණ්ඩායම අපරාජිතය. අපට පුංචි පුංචි බලාපොරොත්තු උපදින්නේ එසේය.
.
ශ්රී
