ශ්රී ලංකා ජාතික ක්රිකට් කණ්ඩායමේ නව ප්රධාන පුහුණුකරු ලෙස දකුණු අප්රිකානු හිටපු ක්රිකට් ක්රීඩක ගැරී කර්ස්ටන් (Gary Kirsten) පත් කළ බව ශ්රී ලංකා ක්රිකට් ආයතනය නිවේදනය කරයි.
මෙම පත්වීම 2026 අප්රේල් 15 දින සිට බලාත්මක වේ.
දකුණු අප්රිකාව වෙනුවෙන් විශිෂ්ට ජාත්යන්තර ක්රිකට් දිවියකට උරුමකම් කියන කර්ස්ටන්, 2008 සිට 2011 දක්වා ඉන්දීය ජාතික කණ්ඩායමේ ප්රධාන පුහුණුකරු ලෙසත්, 2011 සිට 2013 දක්වා දකුණු අප්රිකානු ජාතික කණ්ඩායමේ ප්රධාන පුහුණුකරු ලෙසත් කටයුතු කර ඇත.
ඔහුගේ පුහුණුකාරිත්වය යටතේ එම කණ්ඩායම් දෙකම ජාත්යන්තර ක්රිකට් පිටියේ සුවිශේෂී ජයග්රහණ අත්කර ගත්තේය.
2011 වසරේදී ඉන්දියාව ICC ලෝක කුසලානය ජයග්රහණය කළේ ඔහුගේ පුහුණුකාරිත්වය යටතේය.
2013 වසරේදී දකුණු අප්රිකානු කණ්ඩායම සියලුම ක්රිකට් ආකෘතීන්ගෙන් ලොව අංක 1 කණ්ඩායම බවට පත් වන්නේත් ඔහුගේ පුහුණුකාර ධූර කාලයේය.
ගැරී කර්ස්ටන් මහතා මෑතකදී නිමාවට පත් වූ 2026 ICC පිරිමි විස්සයි20 ලෝක කුසලාන තරගාවලියේදී නැමීබියානු ක්රිකට් කණ්ඩායමේ ‘උපදේශකයෙකු’ ලෙසද කටයුතු කළේය. 1993 සිට 2004 දක්වා වූ ඔහුගේ ක්රීඩා දිවිය තුළ ටෙස්ට් සහ එක්දින ජාත්යන්තර (ODI) තරගවලදී ලකුණු 14,087ක් රැස් කර ඇති අතර, එයට ටෙස්ට් ශතක 21ක් සහ එක්දින ශතක 13ක් ඇතුළත් වේ.
ශ්රී ලංකා ක්රිකට් ආයතනය සමඟ ඔහුගේ මෙම පත්වීම 2028 අප්රේල් 14 දිනෙන් අවසන් වන පරිදි වසර දෙකක කාලසීමාවක් සඳහා බලපැවැත්වේ.
ප්රධාන වගකීම් සහ අරමුණු
- දකුණු අප්රිකාව, නැමීබියාව සහ සිම්බාබ්වේ යන රටවල පැවැත්වීමට නියමිත 2027 ICC පිරිමි ක්රිකට් ලෝක කුසලානය සඳහා ශ්රී ලංකා කණ්ඩායම සූදානම් කිරීම සහ මෙහෙයවීම.
- ශ්රී ලංකා ක්රිකට් ආයතනයේ ජාතික උසස් දක්ෂතා මධ්යස්ථානයේ (National High Performance Center) ව්යුහය ප්රතිසංවිධානය කිරීමේ ප්රයත්නයට දායක වීම.
ඒ අනුව සනත් ජයසූරිය අප්රේල් 15න් පසු ජාතික කණ්ඩායමේ ප්රධාන පුහුණුකරු ලෙස කටයුතු නොකරන අතර, ඔහුගේ මීළඟ පියවර පිළිබඳව ශ්රී ලංකා ක්රිකට් ආයතනය විසින් ඉදිරියේදී නිල තහවුරු කිරීමක් සිදු කරනු ඇත
