ඇෆ්ගනිස්ථානය පරදවා කඩුළු 06ක විශිෂ්ට ජයග්රහණයක් අත් කරගැනීමට මීට ස්වල්ප වේලාවකට පෙර ශ්රී ලංකා කණ්ඩායම සමත් විය.
ඒ විස්සයි 20 ලෝක කුසලාන තරගාවලියේ 32 දෙවැනි තරගය ලෙස 1 ඛාණ්ඩයෙන් අද (01) බ්රිස්බෙන්හි දී ඇෆ්ගනිස්ථානය හා තරග වදිමිනි.
ඇෆ්ගනිස්ථාන කණ්ඩායමෙන් ලකුණු 144ක ඉලක්කයක් ශ්රී ලංකාවට හිමි වී තිබිණි.
කාසියේ වාසිය දිනූ ඇෆ්ගනිස්ථානු කණ්ඩායම මුලින්ම පන්දුවට පහර දීම තේරූහ.
ආරම්භක පිතිකරුවන්වන රහ්මනුල්ලා ගුර්බාස් සහ උස්මාන් ඝානි ඇෆ්ගනිස්ථානය වෙනුවෙන් යහපත් ආරම්භයක් ලබා දුන්හ.
පළමු කඩුල්ල ලෙස රහ්මනුල්ලා ගුර්බාස් දැවී යනවිට පන්දු ඕවර 6.1 දී ලකුණු 42ක් ඇෆ්ගනිස්ථානය රැස් කරගෙන සිටියේය. ඔහු හයේ පහර දෙකක් සහ හතරේ පහර දෙක්ක සමගින් ලකුණු 28ක් රැස් කළේය.
අනෙක් අන්තයෙන් පිතිකරණයේ යෙදුනු උස්මාන් ඝානි පන්දු 27ක දී ලකුණු 27ක් රැස් කළේය. ඒ හයේ පහරක් සහ හතරේ පහර දෙකක් සමගිනි.
තුන්වන කඩුල්ල ලෙස පිටියට පැමිණි ඊබ්රහීම් සද්රාන් පන්දු 18 ක දී ලකුනු 22ක් ලැබුවේ හයේ පහරක් සහ හතරේ පහරක් සමගිනි.
ඇෆ්ගන් මුල් පෙළ පන්දුවට පහර දෙමින් පැමිණි ආකාරයට ලකුණු 10 සීමාව ඉක්මවා යනු ඇතැයි සිතිනි. නමුත් ඉන් අනතුරුව පිටියට පැමිණි එකම ක්රීඩකයෙක්වත් ලකුණු 20 සීමාව ඉක්මවා යන්නට ශ්රී ලංකා පන්දු යවන්නන් ඉඩ දුනනේ නැත.
ඇෆ්ගනිස්ථානය ලකුණු 144කට කඩළු 08ක් දැවී ඉනිම නිමා කළේය.
වනිඳු හසරංග යළිත් සිය විශිෂ්ට පන්දු යැවිමේ විලාශය ග්රහණය කරගත්තේය. ඔහු පන්දු ඕවර 4 තුළ දී ලබා දුන්නේ ලකුණු 13කි. කඩුළු 03ක් ලැබුවේය.
ලහිරු කුමාර ලකුණු 30ට කඩුළු 02ක් ලැබුවේය. කසුන් රාජිත එක් කඩුල්ලක් සහ ධනංජය ද සිල්වා එක් කඩුල්ලක් ලැබුවේය.
පිළිතුර ඉනිම ක්රීඩා කිරීමට පිටියට පැමිණි පැතුම් නිස්සංක සහ කුසල් මෙන්ඩිස් ගේ සම්බන්ධතාවය ලකුණු 12 දී බිඳ වැටිනි. පැතුම් හතරේ පහර 02ක් සමග ලකුණු 10ක් ලබා සිටිය දී දැවී ගියේය. අනතුරුව පිටියට පැමිණි ධනංජය ද සිල්වා ශ්රී ලංකා ඉනිම ජයග්රහණය කරා ගෙන ගිය විශිෂ්ට නියමුවා වූයේය.
ඔහු එක් අන්තයක් විශ්වාසනීයව රැක ගනිමින් පන්දු 42ක් තුළ දී ලකුනු 66ක් ලබා ගත්තේය. ඊට හතරේ පහර හයක් සහ හයේ පහර දෙකක් ඇතුළත් විය.
කුසල් මෙන්ඩිස් පන්දු 27ක දී ලකුණු 25ක් ලබා සිටිය දී රෂීඩ් ඛාන්ට ගොදුරු විය.
චරිත් අසලංක පන්දු 18ක දී එක් හතෙර් පහරක් සමග ලකුණු 19ක්, භානුක රාජපක්ෂ පන්දු 14ක දී හතරේ පහර තුනක් සමග ලකුණු 18ක් ලැබුවේය.
ශ්රී ලංකා කණ්ඩායම පන්දු ඕවර 18.3 ක දී ලකුණු 144 ජයග්රාහී ඉලක්කය ඉක්මවා ගියේය.
තරගයේ වීරයා ලකුණු 13ක කඩුලු 03ක් දවාගත් වනිඳු හසරංගය.
සුපිරි 12 වටයේ 1 ඛාණ්ඩයේ ලකුනු සටහන
