අප නැති විස්සයි 20 ලෝක කුසලාන තරගාවලියේ සුපිරි අට දෙනාගේ වටය උණුසුම්ය. බටහිර ඉන්දිය කොදෙව් තණතීරුවල දී ලෝකයට හුරු පුරුදු විස්සයි 20 රිද්මය මතු වෙමින් ඇත.
අද පැවති බටහිර ඉන්දීය කොදෙව් කණ්ඩායම සහ එංගලන්ත කණ්ඩායම අතර තරගය එංගලන්තය කඩුළු 08කින් දිනුම්ය. ඒ පන්දු 15ක් ඉතිරිවී තිබෙද්දීය. ඒ බටහිර ඉන්දිය කොදෙව් කණ්ඩායම කඩුළු 04ක් දැවී ලබා දුන් 180ක ඉලක්කය කඩුළු 02ක් පමණක් දැවී පසු කරන්නට එංගලන්ත කණ්ඩායම සමත් වීමත් සමගය.
බටහරි ඉන්දීය කොදෙව්හි ශාන්ත ලූකාස්වල ඩැරල් සමී ක්රීඩංගනයේ පැවති තරගයේ කාසියේ වාසිය දිනූ එංගලන්ත කණ්ඩායම පන්දුවට පහර දීමට බටහිර ඉන්දිය කොදෙව් කණ්ඩායමට ආරාධනා කළේය.
බටහිර ඉන්දීය කොදෙව්වෝ පන්දු ඕවර 20 අවසානයේ දී ලකුණු 180ක් ලදහ. ජොන්සන් චාල්ස් 38ක්, නිකොලස් පූරාන් ලකුණු 36ක්, රොව්මන් පවෙල්, ලකුණු 36ක් සහ ෂෙර්ෆාන් රදර්ෆර්ඩ් නොදැවී 28ක් ලැබූහ.
පන්දු යැවීමේ දී ජොෆ්රා ආචර්, අඩිල් රෂිඩ්, මොඉන් අලි, ලිඅම් ලිවින්ග්සටන් කඩුල්ල බැගින් ලැබූහ.
පිළිතුරු ඉනිම ක්රීඩා කිරීමට පැමිණි එංගලන්ත ආරම්භක පිතිකරු ෆිල් සෝල්ට් අද (20) විචිත්ර වර්ණවත් ඉනිමක් ක්රීඩා කළේය. ඔහු පන්දු 47ක දී නොදැවී ලකුණු 87කි. හතරේ පහර 7කි. හයේ පහර පහකි. මෙම ප්රහාරයෙන් හතරේ පහර 03ක් හා හයේ පහර 03ක් එල්ල වන්නේ එක් ඕවරයක් තුළය. ෆිල් සෝල්ට් රොමාරියෝ ෂෙෆර්ඩ් යැවූ 16 වැනි පන්දු ඕවරයේ දී ලකුණු 30ක් ලබා ගත්තේය. ඒ පන්දු හයට පිළිවෙළින් 4, 6, 4, 6, 6, 4 වශයෙනි.
මේ දැක්වෙන්නේ ඒ ප්රහාරයයි.
නායක ජොස් බට්ලර් ලකුණ 25කටත් මොයින් අලි ලකුණු 13කටත් දැවී යද්දී පිල් සෝල්ට් සමග එක් වුන ජොනී බෙයිස්ටොව් පන්දු 26ක දී නොදැවී ලකුණු 48ක් සහිතව තුන්වන කඩුල්ල වෙනුවෙන් නොබිඳුන ලකුණු 97ක සම්බන්ධයක් ගොඩනැගූහ. පන්දු ඕවර 17.3ක දී තරගය නිමා විය. ලකුණු ලබා ගැනීමේ සාමාන්ය 10.3කි.
සුපිරි අට දෙනාගේ වටයේ දැනට පවත්වා ඇත්තේ තරග දෙකක් පමණි. දකුණු අප්රිකාව ඇමරිකා එක්සත් ජනපදයත්, බටහිර ඉන්දීය කොදෙව් හා එංගලන්තයත් අතරය.
අද එංගලන්තය ලබා ගත් විශිෂ්ඨ ප්රවේගකාරී හඹා යෑමෙන් පසු 2 ඛාණ්ඩයේ මුල් තැන ඔවුන්ට හිමි විය.
