ක්රිකට් තරග පරාද වූ පසු නායකයාත් පුහුණුකරුත් පතුරු ගැසීම සාමාන්ය සිරිතය. ක්රිකට් පරිපාලකයන් වෙත ඇඟිල්ල දික් වන්නේ ඊට පසුවය.
ක්රිකට් තරග පරාද වූ පසු නායකයාත් පුහුණුකරුත් පතුරු ගැසීම සාමාන්ය සිරිතය. ක්රිකට් පරිපාලකයන් වෙත ඇඟිල්ල දික් වන්නේ ඊට පසුවය.දැනට වසර දෙක තුනක සිට මේ අතර සිටිමින් කිසිදු වගකීමක් නොගන්නා අයකු මේ අතර සිටී.
එනම් ක්රිකට් ගොඩ නගන්න ඇඩ්වයිස් දෙන්න විශේෂයෙන් පත් කර සිටින උපදේශකවරයායි.
මෙසේ වසර දෙකකට අධික කාලයක් මුළුල්ලේ මේ උපදේශක තනතුරේ සිටින්නේ මහේල ජයවර්ධනයි.
මොහුව පත් කරන ලද්දේ එවකට ක්රීඩා ඇමති ධූරය දැරූ නාමල් රාජපක්ෂගේ බලපෑම මතය.
ඔහු මෙතෙක් කල් වැඩ කළේ ඩොලර් 20,000 ක මාසික වැටුපකටය.එනම් මාසිකව රුපියල් ලක්ෂ 60 ක් තම ගිනුමට බැර කර ගනිමිනි.
ඔහු මේ අතර වාරයේ තම හිත මිතුරු ටොම් මූඩිටත් කෝටි ගණනක් ගෙවූ දින 100 ක පමණක් වැඩ කිරීමට වාර්ෂික කොන්ත්රාත්තුවක් අරගෙන දුන්නේය. ඒ සඳහා ඔහුට ගෙවූ මුදල කෝටි ගණනකි.
ජාතික කණ්ඩායමටත් උසස් තාක්ෂණ ඒකකයටත් පුහුණුකරුවන් තෝරා ගත්තේ ප්රධාන වශයෙන් මේ දෙදෙනාගේ කැමැත්තටය. එසේ තෝරා ගැනුනේ හුදෙක් ඔවුන්ගේ හිතවතුන් ය. මේ සියලු දෙනාගේ වැඩ කිඩ හරි හැටි තිබුණේ නම් අපේ ක්රිකට් මේ තරම් අගාධයකට පත් වන්නේ නැත.
පාසල් තරග පැවැත්වූයේත් මහේල හැදූ සැලැස්මවල් අනුවය. පාසල් ක්රිකට් මට්ටමද දැන් ඇත්තේ පහළ මට්ටමකය. ඒ අනුව මහේල ෆේල් ය.
මහේල උපදේශක ලෙස සිටියදීම හරින් ප්රනාන්දු ක්රීඩා ඇමතිවරයාද තම ගජ මිතුරු සනත් ජයසූරියව උපදේශකයකු ලෙස බඳවා ගන්නා ලෙස ෂම්මිට කරන ලද ඉල්ලීමක් අනුව ඔහුවද මසකට ලක්ෂ 50 ක වැටුපකට ක්රිකට් ආයතනයට බඳවා ගන්නා ලදී.
දැන් උපදේශකයෝ දෙන්නෙකි. ඔවුන් දෙදෙනාගේ මාසික වැටුපේ එකතුව ලක්ෂ 110 කි.
එහෙකින් නොනැවතුනු මේ උපදේශක යුගල කනිෂ්ඨ හා ජ්යේෂ්ඨ ක්රිකට් සංචාර වලටද අමතර දීමනා සමග එක් වූවෝය.
මහේල කනිෂ්ඨ ලෝක ශූරතාවට ගියද එහි අපට හිමි වූයේ නව වැනි ස්ථානයයි.
ජ්යේෂ්ඨ ලෝක ශූරතාවටද ගිය නමුත් අපේ කණඩායම මුල් වටයෙන්ම ආපසු පැමිණියේය
සනත්ද මේ ආකාරයෙන්ම කනිෂ්ඨ හා ජ්යේෂ්ඨ ලෝක ශූරතා වලට ගියත් සිදු වූයේ එම ප්රතිඵලයමය.
වෙන රටවල නම් මෙවැන්නන් කණෙන් අල්ලා ඉවත් කරනු ලැබුවත් ප්රථිඵලයක් ගෙන නොදී නිකම් කෝටි ගණන් වැටුප් ලබන නිකමුන් තව දුරටත් තියා ගන්නේ ලංකාවේ පමණි.
අපේ මාධ්යකරුවන්ද නියමය. මෙවන් අන්ත පරාජ වල වගකීම තමන් ගන්නේදැයි ඔවුන්ගෙන් අසන්නට එකදු මාධ්යකරුවකු හෝ නොමැත.
ලෝක කුසලාන තරගාවලියේ මුල් වටයෙන්ම ඉවතට විසි වී ආපසු ඒමේදී සනත් හොර බළලකු මෙන් සැඟව යද්දී සනත්ගෙන් යමක් ඇසීමට එහි සිටි මාධ්ය කරුවෝ අසමත් වූහ.
සනත්ගේ මාධ්ය උපදේශකයාද ලෝක කුසලානයේ සිටිමින් කළේ සුදු හුණු ගෑමයි.
වාර්තා වන අන්දමට සිල්වර්වුඩ්ගේ කොන්ත්රාත්තුවද මේ සමගම අවසන් වෙයි.
ක්රිකට් කණපිට ගැසීමද කළ යුතු බව පැවසේ. එයද මෙතෙක් ෆේල් වූ සනත්ටම දෙන කතාවක් කියවේ.
ඒ අනුව තම ගජ මිතුරන් රිංග වීමටද ඔහු සූදානමින් සිටින බව වාර්තා වේ.
මෙය ඉඟුරු දී මිරිස් ගත්තාක් වැනි වැඩක් බව අමුතුවෙන් කිව යුතු නොවේ.
කිසිදු පුහුණු සුදුසුකමක් නොමැති විනය පිළිබඳ අපකීර්තිමත් ඉතිහාසයක් ඇති තිලකරත්න ඩිල්ෂාන්ද සනත්ගේ හා හරීන්ගේ කරේ එල්ලී පුහුණු අංශයට රිංගීමේ ගේම් එකක් ක්රියාත්මක කරමින් සිටින බව වාර්තාවේ. .
නාමල් රාජපක්ෂද මේ සඳහා ෂම්මි සිල්වාට බලපෑම් කරන බවත් කියවේ.
අපේ ක්රිකට් වලට අබ සරණයි කීම හැර වෙන යමක් කීමට නොමැත
