ලෝක කුසලාන මූලික අදියරේ තරග සඳහා බංගලාදේශය ඉන්දියාවට පැමිණීම ප්රතික්ෂේප කරන්නේ නම් ඔවුන් තරගාවලියෙන් ඉවත් කර බංගලාදේශය වෙනුවට සුදුසුකම් ලැබීමේ ඊලඟ අදියරේ පසුවන ස්කොට්ලන්තය වෙත අවස්ථාව ලබා දීමට ජාත්යාන්තර ක්රිකට් කවුන්සිලය කටයුතු කරනු ඇතැයි විදෙස් මාධ්ය වාර්තා කරයි.
ලෝක කුසලාන තරග සඳහා ඉන්දියාවට පැමිණෙනවා ද නැද්ද යන්න දැනුම් දීමට මේ වනවිට ජාත්යාන්තර ක්රිකට් කවුන්සිලය බංගලාදේශයට දින නියම කර තිබේ. එම අවසන් දිනය වන්නේ 2026.02.21 වැනිදාය. එනම් තව දින දෙකක් ඇතුළත බංගලාදේශය සිය තීරණය ජාත්යාන්තර ක්රිකට් කවුන්සිලයට දැන්විය යුතුව ඇත.
මේ වනවිටත් බංගලාදේශ ක්රිකට් පාලක මණ්ඩලය සිටින්නේ ඉන්දියාව සමඟ ඇති දේශපාලන ආතතීන් මධ්යයේ ආරක්ෂක ගැටලු හේතුවෙන් ඔවුන්ගේ මූලික වටයේ සියලුම තරඟ ශ්රී ලංකාවට ගෙන යන ලෙස ජාත්යන්තර ක්රිකට් කවුන්සිලයෙන් (ICC) නිල වශයෙන් ඉල්ලා ඇති ස්ථාවරයේය.
වේග පන්දු යවන ක්රීඩක මුස්තාෆිසුර් රහ්මාන් ඔහුගේ ඉන්දීය ප්රිමියර් ලීග් (IPL) කොන්ත්රාත්තුවෙන් මතභේදාත්මක ලෙස නිදහස් කිරීමෙන් බලපෑම් ඇති වූ වත්මන් තත්වයන් යටතේ ජාතික කණ්ඩායම ඉන්දියාවට නොයන බවට බංගලාදේශ ක්රිකට් පාලක මණ්ඩලය තීරණය කර තිබේ.
මේ තත්ත්වය තුළ බංගලාදේශයේ මෙන්ම අයි.සී.සී යේ ද ස්ථාවරය නොවෙනස්ය. කොල්කටා සහ මුම්බායි හි නියමිත තරඟ නොවෙනස්ව පවතින බවත්, බංග්ලාදේශය ඉන්දියාවේ ක්රීඩා කළ යුතු බවත් නැතහොත් බංගලාදේශය සම්බන්ධව තීරණයක් ගන්නට සිදුවනු ඇති බවත් දන්වා අයි.සී.සී. ය තරඟ මාරු කිරීමට බංග්ලාදේශය කළ ඉල්ලීම ප්රතික්ෂේප කර ඇත. කෙසේ වෙතත්, එවැනි අවසාන නිවේදනයක් ලැබීම බංගලාදේශ ක්රිකට් ආයතනයේ අපේක්ෂාව නොවන බව ඔවුන් ප්රකාශ කර තිබේ. බංගලාදේශය පවසන්නේ තමන් ලෝක කුසලාන තරගාවලිය සඳහා ක්රීඩා කිරීමේ දැඩි අභිලාෂයකින් පසුවන බවත් ඒ සඳහා සුදුසු පරිසරයක් සකස් කර දෙන ලෙසත්ය.
විසඳුමක් සෙවීම සඳහා සාකච්ඡා දිගටම කරගෙන යාමට බංගලාදේශ ක්රිකට් ආයතනය අන්තර්ජාතික ක්රිකට් කවුන්සිලය එකඟ වී තිබේ. බංගලාදේශ ක්රිකට් ආයතනය පවසන්නේ ඔවුන් ක්රීඩකයින්ගේ යහපැවැත්ම ආරක්ෂා කිරීමට කැපවී සිටින බවය.
දෙපාර්ශවයේම අනම්ය ප්රතිපත්තිය හමුවේ බොහෝ විට සිදුවිය හැක්කේ අන්තර්ජාතික ක්රිකට් කවුන්සිලයේ දැඩි ස්ථාවරයට බංගලාදේශයට යටවීමට සිදුවීමය. ඉන්දීය ස්වදේශ ඇමතිවරයාගේ පුතා වූ ජේ.ෂා අන්තර්ජාතික ක්රිකට් කවුන්සිලයේ සභාපතිවරයා හැටියට කරන බලපෑම හමුවේ ඉන්දියාවට හිතවාදී තීන්දුවක් අපේක්ෂා කළ හැකි බව විචාරක මතය ය.
ක්රීඩකයෙකුගේ ගැටලුවක් නිසා ඉපදුන ජාතික සංවාදයක් වෙනුවෙන් ලෝක කුසලානයක් අත් හැරීමට තරම් විශාල පියවරක් ගැනීමට බංගලාදේශ ක්රිකට් ආයතනය කටයුතු කරනු ඇතැයි තක්සේරු කිරීම තරමක් වැඩි ප්රවේශයකි. අනෙක් අතට ඉන්දියාවේ සංචාරයට බංගලාදේශය එකඟ වුවහොත් ඇතිවිය හැකි මහජන විරෝධයක් සම්බන්ධ අවදානමක් ද පවතී. දැනටමත් ගොඩනැගෙමින් ඇති සුළු ජාතික හින්දු විරෝධයට ඉන් ජවයක් ලැබිය හැකි බවට දේශපාලන අදහසක් ද වේ.
වර්ධනය වෙමින් ඇති මේ තත්ත්වය තුළ විස්සයි 20 ලෝක කුසලානයේ ඉන්දියානු අදියර සඳහා බංග්ලාදේශයේ සහභාගීත්වය පිළිබඳ අවසාන තත්ත්වය අවසාන දිනය දක්වා අවිනිශ්චිතව සහ ඇවිලෙමින් ඇති තියුණු මතභේද රැසක් පසුබිම්කර පවතී.
