රටින් මත්ද්රව්ය උවදුර තුරන් කිරීමේ දැවැන්ත මෙහෙයුම් රජය විසින් ක්රියාවට නංවමින් පවතින පසුබිමක, එම මෙහෙයුම්වල ඉදිරි පෙළ නායකත්වය දෙන දක්ෂ නිලධාරීන් දමනය කිරීමේ දූෂිත කුමන්ත්රණයක් මොරටුව විශේෂ කාර්ය බලකා (STF) කඳවුර කේන්ද්ර කරගනිමින් ක්රියාත්මක වන බවට තොරතුරු අනාවරණය වේ.
විශේෂ කාර්ය බලකායේ අභ්යන්තර ආරංචි මාර්ග හෙළි කරන පරිදි, දැනට ඕස්ට්රේලියාවේ මෙල්බන් නුවර සිට මෙරට මත්ද්රව්ය ජාලය මෙහෙයවන ප්රධාන පෙළේ ජාවාරම්කරුවෙකු තමන්ගේ ජාවාරමට බාධා කරන අවංක නිලධාරීන් ඉවත් කර, තමන්ට හිතවත් නිලධාරීන් පිරිසක් පත් කරවා ගැනීමට සිය මුදල් බලය යොදවන බවට චෝදනා එල්ල වී ඇත.
මෙහි අලුත්ම ඉලක්කය වී ඇත්තේ මොරටුව විශේෂ කාර්ය බලකා කඳවුරට අනුයුක්තව සේවය කළ දක්ෂ උප පොලිස් පරීක්ෂකවරයෙකු බවත් ඔහු මෑත ඉතිහාසයේ ජාවාරම්කරුවන්ට මරණ බිය ගෙන දුන් නිලධාරියෙක් බවත් අනාවරණය වේ.. තරාතිරම නොබලා වැටලීම් සිදුකළ ඔහු, පසුගිය කෙටි කාලය තුළදී පමණක් ඔහුගේ මූලිකත්වයෙන් පහත වැටලීම් සාර්ථකව මෙහෙයවා තිබුණි:
- කිරුළපන: අයිස් (ICE) කිලෝ එකක්
- පින්වත්ත: හෙරොයින් ග්රෑම් 125ක්.
- බෝධියවත්ත: හෙරොයින් කිලෝ 2ක් සහ අයිස් ග්රෑම් 500ක්.
- කිරිවන්තුඩුව: හෙරොයින් ග්රෑම් 500ක් සහ අයිස් ග්රෑම් 100ක්.
- රත්මලාන: අයිස් ග්රෑම් 20ක්.
මීට අමතරව, බඩොවිට සහ දෙහිවල ප්රදේශවල සන්නද්ධ පාතාල සාමාජිකයන් සමඟ ඇති වූ වෙඩි හුවමාරුවලදී ද අභීතව මුහුණ දුන් මෙම නිලධාරියා, පාතාල මර්දනයේ ප්රමුඛයෙකු ලෙස ප්රකටය.
වාර්තා වන පරිදි, , විශේෂ කාර්ය බලකායේම ඇතැම් ඉහළ නිලධාරීන් නතු කරගෙන සිටින ඔස්ට්රේලියාවේ සිට ජාවාරම් මෙහෙයවන මත්ද්රව්ය ජාවාරම්කරු මෙම දක්ෂ නිලධාරියාව වහාම ක්රියාත්මක වන පරිදි මොරටුවෙන් කරවා ඇති තිබේ. මීට පෙර මොරටුව STF කඳවුරේ ස්ථානාධිපතිව සිටි, මත්කුඩු ජාලයට එරෙහිව දැඩිව පෙනී සිටි ප්රධාන පොලිස් පරීක්ෂකවරයාට ද අත්වූයේ මෙවැනිම ඉරණමක් බව STF පොඩ්ඩෝ කියති.
බලධාරීන්ගේ අවධානයට
නව රජය මත්ද්රව්ය විරෝධී දැඩි පිළිවෙතක් අනුගමනය කරන බව පවසන පසුබිමක, දෙපාර්තමේන්තුව ඇතුළත සිටින “කළු බැටළුවන්” ජාවාරම්කරුවන්ගෙන් පගාව ගෙන අවංක නිලධාරීන් දඩයම් කිරීම මහජනතාවගේ දැඩි පිළිකුලට හේතු වී තිබේ.
මහජන ආරක්ෂක අමාත්යවරයා, ආරක්ෂක ලේකම්වරයා සහ පොලිස්පතිවරයා මේ පිළිබඳව කඩිනම් අවධානය යොමු කර, මෙම දූෂිත මාරුවීම් අවලංගු කර මත්ද්රව්ය විරෝධී සටනට පණ දිය යුතු බව සිවිල් සංවිධාන අවධාරණය කර සිටී.
