“බුද්ධරශ්මි” වෙසක් කලාපයට සමගාමීව ජනාධිපති කාර්යාලය විසින් සංවිධානය කරන ලද “වෙසක් බැති ගී සරණිය” ජනාධිපති කාර්යාල පරිශ්රයේදී ඊයේ (30) සවස 6.30ට ආරම්භ විය.
අග්රාමාත්ය ආචාර්ය හරිනි අමරසූරිය, ජනාධිපති ලේකම් ආචාර්ය නන්දික සනත් කුමානායක, ජනාධිපති ජ්යෙෂ්ඨ අතිරේක ලේකම් රෝෂන් ගමගේ, ජනාධිපති කාර්යාලයේ නීති අධ්යක්ෂ ජනරාල් ජ්යෙෂ්ඨ නීතිඥ ජේ.එම් විජේබණ්ඩාර, පොලිස්පති නීතිඥ ප්රියන්ත වීරසූරිය ඇතුළු පිරිසක් එම අවස්ථාවට එක්ව සිටියහ.
ත්රිවිධ හමුදාවේ, ශ්රී ලංකා පොලිසියේ සහ කොළඹ පාසල් කිහිපයක බැති ගී කණ්ඩායම්වල සහභාගිත්වයෙන් පැවැත්වෙන මෙම භක්ති ගීත වැඩසටහන ජූනි 02 දක්වා සෑම දිනකම ප.ව 6.30ට පැවැත්වීමට කටයුතු යොදා ඇත.
මේ අතර ජනාධිපති ලේකම් කාර්යාලය සහ යුද හමුදාව එක්ව සංවිධානය කළ බත් දන්සල ඊයේ (30) රාත්රී 7.00ට ජනාධිපති කාර්යාලය අසලදී ජනාධිපති ලේකම් ආචාර්ය නන්දික සනත් කුමානායක සහ යුද හමුදාවේ ජ්යෙෂ්ඨ නිලධාරීන්ගේ සහභාගිත්වයෙන් ආරම්භ කෙරිණි. දිවයිනේ නන් දෙසින් පැමිණි දස දහසකට අධික ජනතාවක් ඊට එක්ව සිටි අතර මෙම බත් දන්සල ජූනි 02 දක්වා පැවැත්වේ.
එමෙන්ම වෙසක් සිරි නැරඹීමට කොළඹට පැමිණෙන ජනතාව වෙනුවෙන් අයිස්ක්රීම් දන්සලක්ද ඊයේ (30) පස්වරුවේ ජනාධිපති කාර්යාලය අසලදී ආරම්භ කෙරිණි.
