ගෑස් සම්බන්ධව වෙළෙඳපලේ ගැටලුවක් මතු වී ඇත්තේ රටේ ගෑස් අවශ්යතාවයෙන් සියයට 20ක ප්රමාණයක් සපයන පුද්ගලික සමාගම විසින් අදාල සැපයුම් නිසි ආකාරව සිදු නොකළ නිසා බව ජනාධිපති අනුර කුමාර දිසානායක පැවසුවේය.
ඔහු මේ බව කීවේ ඊයේ (17) පැවති විශේෂ මාධ්ය සාකච්ඡාව අතරතුරදීය.
ඔහු පෙන්වා දුන්නේ සංචාරක ක්ෂේත්රයට අදාල විශාල කර්මාන්ත ප්රමාණයකට මෙම සමාගම ගිවිසුම්ගතව ගෑස් ලබා දී තිබුණත් මේ වනවිට එම ගෑස් සැපයුම අඩපණ වී තිබීම නිසා මෙම ඉල්ලුම නිර්මාණය වී ඇති අයුරුය.
මේ වනවිට ගෑස් ගෙන ඒම සඳහා ඒකාධිකාරියක් පවත්වාගෙන ගිය ආයතනය වෙනුවට ටෙන්ඩර් මගින් තරගකාරී මිලකට ගෑස් ලබා ගැනීමේ අවස්ථාව රටට ලැබී ඇති බවත්, රටේ ගෑස් අවශ්යතාවයෙන් සියයට 81ක පමණ සැපයෙන ලිට්රෝ සඳහා ගෑස් සපයන්නේ ඇමරිකානු සමාගමක් වීම ගෑස් සැපයුමේ ඇති අවදානම අඩු කර ඇති බවත් ජනාධිපතිවරයා පෙන්වා දුන්නේය.
ඔහු සලකුණු කළ තවත් කාරණයක් වූයේ කාටල තනාගෙන දේශපාන බලය සහ දූෂිත නිලධාරී යාන්ත්රණයක් සහිතව පවත්වාගෙන ගිය මෙම ජාවාරම් වෙනස් කිරීමේ දී යම් යම් හඬවල් මතුවන ආකාරය ය.
ජනාධිපතිවරයා මෙසේ ද කීවේය.
ගෑස් පිළිබඳව ගතහොත් අපිට මාර්තු මාසයේ ගෑස් අවශ්යතාව තිබුණේ මෙට්රික් ටොන් 33,000යි. නමුත් නිසා මාර්තු මාසයට අපි 38,000ක් ඇනවුම් කළා. මොකද පෞද්ගලික සමාගමක් ගෑස් සපයන එක අඩපණ කරලා තිබෙන නිසා. ඊටත් අවශ්ය වන ගෑස් තමයි අපේ ලිට්රෝ සමාගම ආනයනය කරන්නේ.
මේ මාර්තු මාසයේ අපි ආනයනය කරන්න තීරණය කරලා තිබුණා මෙට්රික් ටොන් 38,000ක්. ඒ මෙට්රික් ටොන් 38000ම දැන් ලැබී තිබෙනවා.
සමහර ඒවා වෙළෙඳපොළට නිකුත් කර තිබෙනවා. සමහර ඒවා දේශීය ගබඩාවල තිබෙනවා. අනෙක් ඒවා මාලදිවයිනේ පාවෙන ගබඩාවල තැන්පත් කර තිබෙනවා.
අපි තව ගෑස් නැවක් ඇනවුම් කර තිබෙනවා. ඒ අනුව හෙට හෝ අනිද්දා මෙට්රික් ටොන් 33,000ක ගෑස් නැවක් ලැබීමට නියමිතව තිබෙනවා. ඒ නිසා ගෑස් වෙළෙඳපොළෙහි අර්බුදයක් මතු වන්නේ නැහැ.
ඊළඟට ගෑස් සපයන්න තිබෙන්නේ අප්රේල් 21-23 කාලයේ. ඒ කාලයේදී ඊළඟ නැව ඔවුන් අපට ලබා දේවි කියල අපට විශ්වාසයක් තිබෙනවා. ගෑස් වෙළෙඳපොළේ අර්බුදයක් ඇති වීමේ අනතුර අඩුයි.
