පසුගිය සතියේ පාර්ලිමේන්තු ස්ථාවර නියෝග සඳහා සංශෝධන දෙකක් සම්මත කරගත් අතර, ඒ අනුව රජයේ ගිණුම් පිළිබඳ කාරක සභාව (COPA) සහ රජයේ ව්යවසාය පිළිබඳ කාරක සභාව (COPE) විසින් සිදුකරනු ලබන විමර්ශනවලදී වංචා, දූෂණ හෝ අල්ලස් පිළිබඳ සාක්ෂි අනාවරණය වුවහොත්, ඒ පිළිබඳව සෘජුවම අල්ලස් හෝ දූෂණ චෝදනා විමර්ශන කොමිෂන් සභාවට හෝ පොලිස්පතිවරයා වෙත වාර්තා කිරීමට අවස්ථාව හිමිවෙයි.
මීට පෙර පැවති ක්රමවේදය වූයේ අදාළ වාර්තා පාර්ලිමේන්තුවට ඉදිරිපත් කර, ඉන් අනතුරුව පියවර ගන්නා තෙක් බලා සිටීම වුවද, මෙම නව සංශෝධනය හරහා එම ප්රමාදය මගහැර සෘජුවම නීතිමය පියවර ගැනීමට මග පෑදේ.
මෙම සංශෝධන දෙකම පාර්ලිමේන්තුවේ ඒකමතික එකඟතාවයෙන් සම්මත විය. ඒ අනුව, COPA කමිටුවට අදාළ ස්ථාවර නියෝග අංක 119(4) යටතට නව ඡේදයක් ඇතුළත් කර ඇති අතර එහි මෙසේ සඳහන් වේ:
“විගණකාධිපතිවරයා විසින් කාරක සභාව වෙත ඉදිරිපත් කරන ලද වාර්තා පරීක්ෂා කිරීමේදී, බරපතල මූල්ය වංචා, අල්ලස් හෝ දූෂණ ක්රියා සිදුවී ඇති බවට රජයේ ගිණුම් පිළිබඳ කාරක සභාව නිගමනය කරන්නේ නම්, ඒ පිළිබඳ වාර්තාව පාර්ලිමේන්තුවේ සභාගත කිරීමෙන් අනතුරුව, පාර්ලිමේන්තුව විසින් තීරණය කරනු ලබන කාලයකදී, අවශ්ය පියවර ගැනීම සඳහා එම කරුණු සෘජුවම අල්ලස් හෝ දූෂණ චෝදනා විමර්ශන කොමිෂන් සභාව වෙත හෝ පොලිස්පතිවරයා වෙත යොමු කිරීමට කාරක සභාවට හැකියාව ඇත.”
එසේම, COPE කමිටුවට අදාළ ස්ථාවර නියෝග අංක 120(4) යටතට ද නව ඡේදයක් එක් කරමින් පහත සඳහන් බලතල ලබා දී තිබේ:
“විගණකාධිපතිවරයා විසින් කාරක සභාව වෙත ඉදිරිපත් කරන ලද වාර්තා පරීක්ෂා කිරීමේදී, බරපතල මූල්ය වංචා, අල්ලස් හෝ දූෂණ ක්රියා සිදුවී ඇති බවට රජයේ ව්යවසාය පිළිබඳ කාරක සභාව නිගමනය කරන්නේ නම්, ඒ පිළිබඳ වාර්තාව පාර්ලිමේන්තුවේ සභාගත කිරීමෙන් අනතුරුව, පාර්ලිමේන්තුව විසින් තීරණය කරනු ලබන කාලයකදී, අවශ්ය පියවර ගැනීම සඳහා එම කරුණු සෘජුවම අල්ලස් හෝ දූෂණ චෝදනා විමර්ශන කොමිෂන් සභාව වෙත හෝ පොලිස්පතිවරයා වෙත යොමු කිරීමට කාරක සභාවට බලය පැවරේ.” (සන්ඩේ ටයිම්ස්)
