ඕමානයේදී කොටු වූ ප්‍රභාත් මදුසංඛ හෙවත් ‘මිදිගම චූටි’ අද දිවයිනට!

සංවිධානාත්මක අපරාධ කල්ලි නායකයෙකු මෙන්ම මහා පරිමාණ මත්ද්‍රව්‍ය ජාවාරම්කරුවෙකු වන ප්‍රභාත් මදුසංඛ හෙවත් ‘මිදිගම චූටි’ නමැත්තා අද (30) අලුයම දිවයිනට රැගෙන ඒමට නියමිතය. ඕමාන ආරක්ෂක අංශ විසින් අත්අඩංගුවට ගෙන සිටි මොහු මෙරටට රැගෙන ඒම සඳහා අපරාධ පරීක්ෂණ දෙපාර්තමේන්තුවේ නිලධාරීන් තිදෙනෙකුගෙන් යුත් කණ්ඩායමක් ඊයේ (29) ඕමානය බලා පිටත්ව ගියේය.

කවුද මේ ‘මිදිගම චූටි’?

ප්‍රභාත් මදුසංඛ හෙවත් මිදිගම චූටි යනු මෙරට පාතාලයේ අතිශය භීෂණයක් ඇති කළ අපරාධකරුවෙකු වන ‘හරක් කටා’ නමැත්තාගේ සමීපතම ගෝලයෙකි.  මිදිගම රුවන් සමග එකතුවී මහා පරිමාණ මත්ද්‍රව්‍ය ජාවාරම් මෙහෙයවූ  මිදිගම චූටිගේ කල්ලිය දකුණු පාලාතට පිලිලයක් වි තිබුණේය.  ඔහු සම්බන්ධයෙන් අනාවරණය වී ඇති සත්‍යාපිත තොරතුරු මෙසේය:

• ප්‍රාදේශීය සභා සභාපති ඝාතනය: 2025 ඔක්තෝබර් 22 වනදා වැලිගම ප්‍රාදේශීය සභාවේ සභාපති ලසන්ත වික්‍රමසේකර (මිදිගම ලසා) ඔහුගේ කාර්යාලය තුළදීම වෙඩි තබා ඝාතනය කිරීමේ ප්‍රධාන මහමොළකරු ලෙස හඳුනාගෙන ඇත්තේ මිදිගම චූටිය. ඔහු ඒ වනවිට ඕමාන්බන්ධනාගාරයේ සිටියත් මිදිගම රුවන් ලවා  ඩුබායි හි සිටින ‘ඩුබායි ලොක්කා’ නමැත්තා හරහා රුපියල් ලක්ෂ 15 ක කොන්ත්‍රාත්තුවක් මත මෙම ඝාතනය මෙහෙයවා තිබුණි. මීට අමරතව 2024 සැප්තැම්බර් මස මිදිගම-ගොවියපාන පාලම අසල මාළු වෙළෙන්දා ඝාතනය, 2025 ජනවාරි පමණ වැලිගම-කප්පරතොට-වල්ලිවෙල පාරේ වෙඩි තැබීම, සම්බන්ධව පොලිසියට ඔහු අවශ්‍ය සිටියේය.

• ජාත්‍යන්තර රතු නිවේදන: මෙරටින් පළාගොස් සිටි මොහු අත්අඩංගුවට ගැනීම සඳහා ජාත්‍යන්තර පොලිසිය (Interpol) හරහා රතු නිවේදන නිකුත් කර තිබූ අතර, ඔහු ඕමානයේ සැඟවී සිට ඇත්තේ ව්‍යාජ විදේශ ගමන් බලපත්‍රයක් භාවිතා කරමිනි.

• කොටු වූ ආකාරය: 2025 ජූනි මස අගභාගයේදී ඕමාන ආරක්ෂක අංශ සහ ශ්‍රී ලංකා අපරාධ පරීක්ෂණ දෙපාර්තමේන්තුව ඒකාබද්ධව දියත් කළ මෙහෙයුමකදී මොහු ඕමානයේදී අත්අඩංගුවට පත් විය.

  RelatedPosts

  පාස්කු ප්‍රහාරයේ පළමු විත්තිකාර නවුෆර් මවුලවී CIDයට දුන් පාපොච්ඡාරණය ස්වේච්ඡාවෙන් දුන් එකක් බව  ත්‍රිපුද්ගල මහාධිකරණය තීන්දු කිරීමට පදනම් වූ “Voir Dire” පරීක්ෂණය කුමක් ද?

  කොංගෝවේ සිට පැමිණි වෛද්‍යවරයෙකුට එබෝලා වැළඳෙයි: ප්‍රංශයෙන් පළමු රෝගියා වාර්තා වෙයි!

  පාස්කු ප්‍රහාර විමර්ශන: තමන්ව අත්අඩංගුවට ගැනීම වැළැක්වීමේ ගෝඨාභය රාජපක්ෂගේ පෙත්සම ජූලි 06 දක්වා කල් යයි!

• මාස 9 ක නීතිමය ක්‍රියාවලිය: ඕමානයේදී අත්අඩංගුවට පත්වීමෙන් පසු මෙරටට පිටුවහල් කිරීමේ නීතිමය ක්‍රියාවලිය සඳහා මාස 9 ක පමණ කාලයක් ගත වූ අතර, එම රාජ්‍යතාන්ත්‍රික සහ නීතිමය පියවර අවසන් වීමෙන් පසු අද දින ඔහු මෙරටට රැගෙන එනු ලබයි.

• අපරාධ වාර්තාව: දකුණු පළාත කේන්ද්‍ර කරගනිමින් සිදු වූ මනුෂ්‍ය ඝාතන රැසකට සහ මහා පරිමාණ මත්ද්‍රව්‍ය ජාවාරම් ජාලයකට මොහු සෘජුවම සම්බන්ධ බවට තොරතුරු අනාවරණය වී ඇත.

අද දිනයේ දිවයිනට රැගෙන එන මිදිගම චූටි කටුනායක ගුවන් තොටුපළේදී අපරාධ පරීක්ෂණ දෙපාර්තමේන්තුව විසින් භාර ගැනීමට නියමිත අතර, අනතුරුව ඔහුගෙන් දීර්ඝ ලෙස ප්‍රශ්න කිරීමට නියමිතය.