දිනසේන රතුගමගේ –
යාපනය, චෙම්මනි ප්රදේශයේ පිහිටි සමූහ මිනීවලෙන් තවත් මිනිස් ඇටසැකිලි 8ක් (7දා) සොයාගෙන තිබේ. මෙසේ අලුතින් හමු වූ ඇටසැකිලි අට අතර කුඩා දරුවකුගේ ඇටසැකිල්ලක් ද වන බව වාර්තා වේ.
මේ වන විට චෙම්මනි සමූහ මිනීවලෙන් හමුවී ඇති සමස්ත මිනිස් ඇටසැකිලි සංඛ්යාව 302ක් දක්වා ඉහළ ගොස් ඇත. ඉන් ඇටසැකිලි 298ක්ම මේ වන විටත් සමූහ මිනීවලෙන් ගොඩගෙන ඇති අතර, සෙසු ඇටසැකිලි කොටස් තවමත් එම ස්ථානයේම දක්නට ලැබෙන බව සදහන් වේ.
අධිකරණ නියෝග මත මෙලෙස ගොඩගත් මිනිස් ඇටසැකිලි ඉදිරි වැඩිදුර පරීක්ෂණ කටයුතු සඳහා යාපනය අධිකරණ පරිශ්රයේ සුරක්ෂිතව තැන්පත් කර තිබේ.
