සූරියවැව – නුවන් ජයසේකර
අඟුණකොළපැලැස්ස බන්ධනාගාරයේ රඳවා සිටි රැඳවියකු අසනීප තත්ත්වයක් හේතුවෙන් හම්බන්තොට රෝහලට ඇතුළත් කර නේවාසිකව ප්රතිකාර ලබමින් සිටියදී ඊයේ (21) මියගොස් තිබේ.
මෙසේ මියගොස් ඇත්තේ හෙරොයින් ජාවාරම් කිරීමේ චෝදනාවකට වරදකරු වී ජීවිතාන්තය දක්වා සිරදඬුවම් විඳිමින් සිටි 65 හැවිරිදි වැල්ලම්පිටිය, තොටුවිල ප්රදේශයේ පදිංචිකරුවෙකි.
අදාළ රැඳවියා අධික රුධිර පීඩන රෝගී තත්ත්වය හේතුවෙන් පසුගිය ජුනි 16 වනදා ප්රතිකාර සඳහා බන්ධනාගාර නිලධාරීන්ගේ ආරක්ෂාව යටතේ හම්බන්තොට මහ රෝහලට ඇතුළත් කර තිබේ. එහි නේවාසිකව ප්රතිකාර ලබමින් සිටියදී ඔහු මෙලෙස ජීවිතක්ෂයට පත්ව ඇත.
මියගිය රැඳවියා 2018 වසරේ පවරන ලද හෙරොයින් නඩුවකට අදාළව වරදකරු වී 2018 ඔක්තෝබර් 30 වනදා සිට බන්ධනාගාරගතව ජීවිතාන්තය දක්වා සිරදඬුවම් විඳිමින් සිටි අයෙකි.
ලංකාවේ නීතියට අනුව සිරකරුවෙකු මියගිය පසු, මරණ පරීක්ෂණ නිම වී දේහය ඥාතීන්ට භාරදීම සාමාන්ය පටිපාටියයි. ඥාතීන් නොමැති නම් පමණක් බන්ධනාගාර දෙපාර්තමේන්තුවේ මැදිහත්වීමෙන් රජයේ වියදමින් අවසන් කටයුතු සිදු කෙරේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
