ලංකා විදුලිබල මණ්ඩලයට අදාළ ප්රධාන සමාගම් හතරෙහි අධ්යක්ෂ මණ්ඩල සහ වෘත්තීය සමිති අතර පැවැති සාකච්ඡාවලින් අනතුරුව, සේවකයින් ඉදිරිපත් කළ ඉල්ලීම් 64න් 62ක්ම ලබාදීමට පාලනාධිකාරිය එකඟතාව කර තිබියදීත් තව දුරටත් වර්ජනයේ නිරතවන සේවකයින්ට එරෙහිව දැඩි විනය ක්රියාමාර්ග ගන්නා බව මණ්ඩලයේ සමාගම් පරිපාලනය නිවේදනය කර තිබේ.
ඊයේ අදාළ සමාගම් හතරෙහි සභාපතිවරුන් විසින් නිකුත් කරන ලද ඒකාබද්ධ නිවේදනයේ දැක්වුනේ ජනතාව අපහසුතාවයට පත් කරන වෘත්තීය සමිති ක්රියාමාර්ග වහාම නතර කර සේවයට වාර්තා කරන ලෙසය.
ඉතිරි ඉල්ලීම් සහ ජනපති සාකච්ඡාව
ලබාදීමට එකඟ වූ ඉල්ලීම් 62ට අමතරව ඉතිරිව ඇති ඉල්ලීම් දෙක සම්බන්ධයෙන් තීරණයක් ගැනීම සඳහා ජනාධිපතිවරයා සමඟ සාකච්ඡාවකට අවස්ථාව සලසා දීමට ද පාලනාධිකාරිය මෙහිදී එකඟතාව පළ කර ඇති බවත්, අවස්ථාව හිමිවන්නේ සේවකයින් වහාම සේවයට වාර්තා කරන්නේ නම් පමණක් බව ත් එම නිවේදනයේ අවධාරණය කර තිබිණි.
විනය ක්රියාමාර්ග පිළිබඳ දැඩි අනතුරු ඇඟවීමක්
මෙම තත්තවය පවතිද්දීත් සේවයට වාර්තා නොකරන්නේ නම් විදුලි බල සැපයුම අඛණ්ඩව පවත්වාගෙන යාම සඳහා වූ පදනම මත සිය සේවකයින් වෙත විශේෂ දැනුම්දීමක් සිදුකරමින් මණ්ඩලයේ නව සමාගම් දෙකක් වන ඉලෙක්ට්රිසිටි ඩිස්ට්රිබියුෂන් ලංකා (ප්රයිවට්) ලිමිටඩ් සහ නැෂනල් ට්රාන්ස්මිෂන් නෙට්වර්ක් සර්විස් ප්රවයිඩර් (ප්රයිවට්) ලිමිටඩ් ආයතන පවසන්නේ ඔවුන්ට එරෙහිව මින් ඉදිරියට දැඩි විනය ක්රිමාර්ග ගැනීමට කටයුතු කරන බවය.
“විදුලිබල සැපයුම දැනටමත් අත්යවශ්ය සේවාවක් ලෙස ගැසට් මගින් ප්රකාශයට පත් කර ඇත. එවැනි පසුබිමක රාජකාරිය පැහැර හැරීම අත්යවශ්ය සේවා රෙගුලාසි යටතේ බරපතළ වරදකි. එබැවින් වහාම සේවයට වාර්තා නොකරන පිරිස් වෙත දැඩි විනය ක්රියාමාර්ග ගැනීමට සිදු වනු ඇත.”
පවතින ප්රතිසංස්කරණ ක්රියාවලිය යටතේ සියලුම සේවකයින් වෙත නව පත්වීම් ලබාදීමේ කටයුතු මේ වන විටත් ආරම්භ කර ඇති බව අදාළ නිවේදන මගින් පෙන්වා දී ඇත.
ආයතනික මට්ටමින් ලබාදිය හැකි උපරිම සහන ලබා දී ඇති බැවින්, පටු අරමුණු වෙනුවෙන් ජනතාව පීඩාවට පත් නොකරන ලෙස පාලනාධිකාරිය වෘත්තීය සමිතිවලින් වැඩිදුරටත් ඉල්ලා සිටියි.
