ශ්රියානි විජේසිංහ –
පියයුරු පිළිකා කල්තියා හඳුනා ගැනීම සඳහා සිදුකරන මැමෝග්රෑම් (Mammogram) පරීක්ෂණ දැනට සම්පූර්ණයෙන්ම ඇණහිට ඇති බව රජයේ විකිරණ විද්යා තාක්ෂණවේදීන්ගේ සංගමය අනාවරණය කරයි.
මේ හේතුවෙන් පරීක්ෂණ සිදුකර ගැනීමට නොහැකිව කාන්තාවන් 1200කට ආසන්න පිරිසක් පොරොත්තු ලේඛනවල රැඳී සිටින බව එම සංගමයේ සභාපති චානක ධර්මවික්රම පවසයි.
වසර 20ක පමණ කාලයක් නාරාහේන්පිට පෞද්ගලික ගොඩනැගිල්ලක පවත්වාගෙන ගිය පිළිකා කල්තියා හඳුනාගැනීමේ මධ්යස්ථානය, පසුගිය පෙබරවාරි 09 වනදා කොළඹ ජාතික රෝහලේ බාහිර රෝගී අංශයට යාබද නව ගොඩනැගිල්ලක් වෙත ගෙන යන ලදී. සෞඛ්ය නියෝජ්ය අමාත්යවරයා විසින් සායන කටයුතු ආරම්භ කළද, මැමෝග්රෑම් යන්ත්රය ස්ථාපිත කිරීමට මෙතෙක් නිසි ස්ථානයක් ලබා දී නොමැති බව සංගමය පවසයි.
පියයුරු පිළිකාවක් කල්තියා හඳුනා ගැනීමෙන් එය නිට්ටාවට සුව කළ හැකි වුවද, බලධාරීන්ගේ මෙම නොසැලකිලිමත්කම හේතුවෙන් රෝගීහු දැඩි පීඩාවට පත්ව සිටින බව සංමය කියයි. පෞද්ගලික අංශයෙන් මෙම පරීක්ෂණය සිදුකර ගැනීමට රුපියල් 25,000කට වැඩි මුදලක් වැය වන බැවින් අසරණ රෝගීන්ට එය දරාගත නොහැකි වී ඇති බව වාර්තා වේ.
මේ පිළිබඳව ජාතික රෝහලේ ජ්යෙෂ්ඨ ප්රකාශකයෙකු සඳහන් කළේ, බාහිර රෝගී අංශය තුළ යන්ත්රය ස්ථාපිත කිරීමට ඕනෑ තරම් ඉඩ පහසුකම් පවතින බවයි. එසේ තිබියදීත් සෞඛ්ය බලධාරීන් මේ පිළිබඳව අවධානය යොමු නොකිරීම බරපතළ ගැටලුවක් බව හෙතෙම වැඩිදුරටත් පෙන්වා දුන්නේය.
