කීර්ති ප්රනාන්දු –
අත්තනගලු සහ නිල්වලා ගංගා ද්රෝණියේ ධාරා ප්රදේශ වලට ගංවතුර අනතුරු ඇඟවීමේ නිවේදන වාරිමාර්ග දෙපාර්තමේන්තුව මගින් නිකුත් කර තිබේ .
ඉදිරි පැය 3 සිට 24 දක්වා කාලයට වලංගු වන පරිදි මෙම අනතුරු ඇඟවීමේ නිවේදනය නිකුත් කර ඇත.
ඒ අනුව අත්තනගළු ඔය ආශ්රිත ගම්පහ, අත්තනගල්ල, මීරිගම, ජාඇල, වත්තල, ප්රාදේශීය ලේකම් කොට්ඨාසවලට අයත් අත්තනගලු ඔය සහ ඌරුවල් ඔය නිම්න වල පහත්බිම්වල සැලකිය
ගංවතුර තත්ත්වයක් ඇතිවිය හැකි බවට අනතුරු අඟවයි .
එසේම නිල්වලා ගඟ දෝණියේ ධාරා ප්රදේශ වලට අයත් පස්ගොඩ කොටපොල, පිටබැද්ද, අකුරැස්ස, අතුරලිය, මාලිම්බඩ, තිහගොඩ, මාතර සහ දෙවිනුවර ප්රාදේශීය ලේකම් කොට්ඨාසවල නිල්වලා පිටාර තැන්නට අයත් පහත් බිම්වලද සැලකිය යුතු ගංවතුර තත්ත්වයක් ඇතිවිය හැකි බවට වාරිමාර්ග දෙපාර්තමේන්තුව මගින් නිකුත් කළ අනතුරු ඇඟවීමේ නිවේදනයේ සඳහන් වේ .
එබැවින් ඉහත අවදානම් ප්රදේශවල ජීවත් වන ජනතාව දැඩි සැලකිල්ලෙන් කටයුතු කරන ලෙස වාරිමාර්ග දෙපාර්තමේන්තුව දන්වා සිටී .
