22 වැනි ආණ්ඩුක්රම ව්යවස්ථා සංශෝධනය හෙට පාර්ලිමේන්තුවට ඉදිරිපත් කිරීමට නියමිත බව පාර්ලිමේන්තු මන්ත්රි ගාමිණී වලේබොඩ පවසයි.
පනත් කෙටුම්පත ගැස්ට් කර සතියක කාලයක් හෙට ඉක්ම යන බැවින් හෙට එය පාර්ලිමේන්තුවට ඉදිරිපත් කිරීම සඳහා කිසිම නීත්යානුකූල බාධාවක් නැති බව හෙතෙම පෙන්වා දෙයි.
මෙතනින් පසු සති කීපයක අධිකරණ කටයුතු සඳහා ගත වුනාට පස්සේ මේක තුනෙන් දෙකේ බලයෙන් පාර්ලිමේන්තුව තුළ සම්මත කරගන්න වෙනවා. පනතට පක්ෂව අපිටත් ඡන්දය දෙන්න වෙනවා. 22න් කියන්නේ ජනාධිපතිවරයාගේ කාලය වසර 6 නෙමෙයි 5 කියලා.
එහෙමනම් තුනෙන් දෙකකටත් වඩා වැඩි ඡන්දයෙන් මේ සංශෝධනය පාර්ලිමේන්තුව තුළ සම්මත විය යුතුයි.
එතනින් එහාට ජන මත විචාරණයට ගියාට පස්සේ මොකද වෙන්නේ. ජනමත විචාරණයට ගියාට පස්සේ කිසි කෙනෙකුට විරුද්ධ වෙන්න වෙන්නෙ නෑ.
ආණ්ඩු පක්ෂයටත්, විපක්ෂයේ සියලු දෙනාටත් වෙන්නේ තුනෙන් දෙකෙන් සම්මත වෙලා එන සංශෝධනය ජනමත විචාරණයකදි අනුමත කරන එක.
එහෙනම් මොකට ජන මත විචාරණයක් තියලා මේ ආණ්ඩුක්රම ව්යවස්ථා සංශෝධනය ගේන්න හදන්නේ. මෙය තමයි එළඹෙන ජනාධිපතිවරණයේ රජයේ ජනාධිපතිවරණ වැඩපිළිවෙළ.
මන්ත්රීවරයා පැවසුවේය. පෙරේදා අධිකරණ ඇමති විජේදාස රාජපක්ෂ පැවසුවේත් මෙම පනත් කෙටුම්පත සඳහා වූ කාල රාමුව තුළ 26 වෙනිදා එය පාර්ලිමේන්තුවට ඉදිරිපත් කිරීමට ඉඩ ඇති බවය.
අධිකරණ ඇමතිවයා මෙම සංශෝධන පනත් කෙටුම්පත ජනාධිපතිවරණයට පසු ගැසට් කරන බවට ප්රකාශ කර පැය 24ක් යන්නට ප්රථම ජනාධිපතිවරයාගේ නියමයෙන් 22 වැනි ආණ්ඩුක්රම ව්යවස්ථාව ගැසට් කරනු ලැබුවේය.
කෙසේ වෙතත් සභානායකවරයා මින් පෙර පැහැදිලිවම ප්රකාශ කළේ තමන් පාර්ලිමේන්තු න්යාය පත්රය හැදූ බවත් මේ පාර්ලිමේන්තු සතිය තුළ එය න්යාය පත්රයට ඇතුළත් කර නැති බවත්ය.
