ව්යාජ ඇටර්නි බලපත්රයක් සකස් කොට ඔස්ට්රේලියානු ජාතික ව්යාපාරිකයකුට අයත් සමාගම් කොටස් විකුණා රුපියල් මිලියන 21ක මුදලක් සාපරාධී සාවද්ය පරිහරණය කළේ යැයි චෝදනා ලබා සිටි හිටපු අමාත්ය උදය ගම්මන්පිල සහ ව්යාපාරිකයකු වන සිඩ්නි ජයසිංහ එම චෝදනාවලින් නිදොස් කොට නිදහස් කරන ලෙස කොළඹ මහාධිකරණය අද (24) නියම කළේය.
දීර්ඝ නඩු විභාගයකින් අනතුරුව කොළඹ මහාධිකරණයේ පූර්වගාමී විනිසුරු නාමල් බණ්ඩාර බළල්ලේ විසින් එම තීන්දුව ලබා දුන්නේය.
විත්තිකරුට එරෙහිව එල්ල කර තිබූ චෝදනා සාධාරණ සැකයෙන් ඔබ්බට ඔප්පු කිරීමට පැමිණිල්ල අසමත් වී තිබෙන හෙයින් විත්තිකරුවන් නිදොස් කොට නිදහස් කරන බවත් විනිසුරුවරයා සඳහන් කළේය.
1996 සැප්තැම්බර් 26 සහ 1997 සැප්තැම්බර් මස 25 වනදා අතර කාලසීමාව තුළ ඔස්ට්රේලියානු ජාතික ව්යාපාරිකයකු වන බ්රයන් ෂැඩික් නමැත්තාට අයත් ඩිජිටල් නොමිනීස් පුද්ගලික සමාගම නමින් මිලදී ගෙන තිබූ පෞද්ගලික බැංකුවකට අයත් කොටස් මිලියන 21ක් ව්යාජ ඇටර්නි බලපත්රයක් සකස් කොට විකිණීමෙන් රුපියල් මිලියන 21ක මුදලක් සාපරාධී සාවද්ය පරිහරණය කළේ යැයි චෝදනා කරමින් හිටපු අමාත්ය උදය ගම්මන්පිල සහ ව්යාපාරිකයකු වන සිඩ්නි ජයසිංහට එරෙහිව ඉකුත් යහපාලන රජය සමයේ නීතිපතිවරයා විසින් මෙම නඩුව ගොනුකර තිබුණි. ( දෙරණ)
