ශ්රියානි විජේසිංහ –
කළුතර මහ රෝහල වෙත ගෙන්වනු ලැබූ ලක්ෂ 1500ක් පමණ විටිනා සී.ටී. ස්කෑන් යන්ත්රය පෙබරවාරි 14 වෙනිදා සිට වරාය රේගුවේ සිරවී ඇති බවත් එය නිදහන් කර ගැනීමට සෞඛ්ය අමාත්යංශ නිලධාරීන් කටයුතු නොකිරීමෙන් ප්රමාද ගුදම් ගාස්තු ලෙස මිලියනයකට වැඩි මුදලක් ගෙවීමට සිදුව ඇති බව රජයේ විකිරණ විද්යා තාක්ෂණවේදී සංගමය සඳහන් කරයි.
කලුතර මහ රෝහලට සී.ටී ස්කෑන් යන්ත්රය මිලදි ගැනීම සඳහා 2021 වසරේදී ටෙන්ඩර් කැඳවීම සිදුකර සැපයුම් කරුවෙකු තෝරා ගත්තද යන්ත්රය ගෙන්වීමට අවශ්ය අනෙක්තු කටයුතු දීර්ඝ කාලයක් ප්රමාද වි ඇතැයි සංගමයේ සභාපති චානක ධර්මවික්රම පෙන්වාදේ.
කෙසේ නමුත් නව රජය බලයට පත්වීමෙන් පසු සෞඛ්ය ඇමති වෛද්ය නලීන්ද ජයතිස්ස මැදිහත් වීමෙන් නොවැම්බර් මාසයේ ණයවර ලිපි විවෘත කර යන්ත්රය කඩිනමින් ලංකාවට ගෙන්වන ලෙස උපදෙස් ලබා දී ඇති බවද හෙතෙම පෙන්වාදේ.
කළුතර මහ රෝහලේ සී.ටී. ස්කෑන් යන්ත්රය 2023 වසරේ පෙබරවාරි මාසයේදී සම්පූර්ණයෙන්ම බිඳවැටුණු අතර එදින සිට මේ දක්වා එම රෝහලේ සී.ටී. හදිසි පරික්ෂණ පුද්ගලික රෝහල්වලින් සහ කොළඹ ජාතික රෝහල මගින් හා කළුබෝවිල, හෝමාගම, හොරණ, රෝහල්වලින් සිදුකර ඇති අතර රෝගීන් ප්රවාහනයට සහ පෞද්ගලික රෝහල්වෙත ගෙවූ මුදල යන්ත්රයේ මිලට වැඩා වැඩි වනු ඇති බව සංගමය අවධාරණය කරයි.
මේ සම්බන්ධයෙන් කඩිනමින් සොයා බලා පියවර ගන්නැයි විකිරණවිද්යා තාක්ෂණවේදීන්ගේ සංගමය සෞඛ්ය ඇමතිවරයාගෙන් විශේෂ ඉල්ලීමක් කරයි.
